cute moon @cute_moon_1

محررة ذهبية

شركة آبل ماكنتـــوش والماســــونية و أمريـــكا ..

السلام عليكم ورحمة الله وبركاته

أمس طرحت موضوع عن موقفي مع قريبتي ، انها زعلت علي بس عشاني ما ابديت أي فرح على موت مؤسس شركة آبل ماكنتوش ..

الردود اختلفت ... كونه لازم ما نسبه او نترحم عليه وكون الرسول كان يشتري من يهود وانه اصلا آبل شركة أمريكيه مش يهودية ... الخ

موضوعي دآ أنا كتبته مش عشان ارغم احد يأخذ برأيي ، وكلنا ذو عقول مختلفه وبيئات مختلفه ، فكل وحده حتترجم الموقف على حسب تفكيرها ورؤيتها ...

ومنجد بنات .. ماهو حلو نتهاوش عشان شركة ..

فحتقولو .. طيب ليه فتحتي دآ الموضوع ...
سببه اني بأبين لكم ماصلة اليهود بأمريكا ؟؟

لانو الكتير بيقولو انو دا منتج أمريكي بس ماهو يهودي ..
فحبيت أقولكم العلاقـة ...:(

...
أولا .. اني كأي انسانه أشتري من أي منتج حابته ، وماكنت مهتمه لو كان يهودي وحتى لو صهيوني !!

بس منجد أفتكر اليوم لما امي اعطتني كتاب عمره الحين 50 سنه !!
ودا الكتاب جدي اعطاها هوآ

والي ألفوه ، أثنين مصريين كانو ماسونيين وتابو وتركو الماسونيه ففضحوهم ,,

وقرأته بفصفصه ، ومنجد شئ لاتعليق بالقوة ,,

أولا ..
لازم تعرفو يا اخواتي انو الماسونيه ، تدخل للدولة كشخص وتغلغل فيها حتى تطيحيها ..
تعرفو انها هي الي طيحت الدوله العثمانية ؟؟؟؟؟؟؟
ولاتقولو اني أجيب معلومات من مخي ، كلامي موثق من كتاب ونفس الكتاب كاتب رساله كتبها واحد بريطاني لحاكم بريطانيا ،، وتعرفو انتو انو من زمان كانت بريطانيا هي اعظم دولة ...

كاتب كيف دخلو للدولة العثمانية فحذره منهم ..

فـ نفس كاتب الكتاب كان يحذر بيحذر المجتمعات العربيه من اخطارهم وكاتب انو ترا الماسونيه قد دخلت لمصر ..

وترا يا بنات أنا حضرت محاضرة وقالت انو قبل خمسين سنه او اربعين ، كانت الحجاب في مصر حجاب بمعنى الكلمه ..
فبدأو في نقاشات في حكم النقاب وبعدها بالتدريج و الان انخلع الحجاب بكامله ..
او في الي يدووب الي بس تغطي شعرها !!:(

وقالت انو الحين بادئين بحملات قوية في اليمن ، لكن اليمنيات صادينها واسأل الله انو يثبتهم ..
وطبعا بدأو عندنا في السعودية .. زي سواقة المرأه للسيارة ، والحمدلله مانجحت ..

فالبعض بتقول : طيب الي بدأت في السواقه هم شيعه او ايرانيات الاصول ..
فأقولكم ترا ايران وامريكا حبيبتين ( وبس في الاخبار يطلعوهم اعداء بس كل ده أخرطي وتمثيل )

....

الخبر الخطير اني قرأت كيف تكونت الماسونية !!
وقسم بالله شفت بعيوني مقطع فيديو واحد ماسوني يقول : انا افتخر كوني ماسونيه ولاننسى ان الماسونيين هم الي بنو امريكا ..

حيث الجنرالات الي بنتها كانو ماسونيين ..

والدليل انو الدولار الامريكي فيه صورة المثلث الي يرى كل شئ ..
والدليل التاني : انو ماتشوفو كيف امريكا مابتردع اسرائيل بالي تسويه ، بالعكس بتحميها وبتضمن حقوقها ؟؟؟
لانها ببساطة دولة اصلا ماسونيه ..

فلا تتوقعو انو امريكا دولة مسيحيه !! سكانها مسيحيين مساكيين ، لكن حكامها هم ماسونيين

وماسونيين يعني عبدة شياطين ..

والدليل انو حكامها اصلا عبدة شياطيين هو انو بعيوني شفت مقطع فديو لقناة اخبارية امريكيه استضافت جورج بوش وواحد تاني معاه وسأله اننا نعرف انكم كنتم اعضاء في مجموعة العظام والجمجمه ، (العظام والجمجمة في فرع من الماسونيه فيها يعملو طقوس شيطانية وسحر ..) ، فالمهم والله قالو نعم ، فسألهم طيب خبرونا ، فصارو يضحكو بإنحراج ونقول دآ سري مره !!

طيب بتقولو طيب امريكا سكانها مسيحيين ومبسوطيين وعندهم حريه غير طبيعيه ورؤساء والرجال المهمين بأمريكا مهتمين بيهم جدا .. فليه ؟؟؟؟؟

فأقولكم السبب انهم ليعموهم عن عمايل اليهود في فلسطيين ، وايضا لتشوييه صورة الاسلام ..
فلو تلاحظو فيلم علاء الدين مش شركة دزني ، كان الشرير الي هو جعفر (بلباس عريي )

وشفت مقابلة مع مخرج مشهور بأمريكا واعترف انهم ظلمو العرب من إظهارهم انهم متخلفيين وأشرار ..

واصلا مايحتاج أقولكم كيف صورة الاسلام والعرب مشوهه هناك ( وانا ما أقول كذا تحسر او حزن ، بل لتعرفو انهم نجحو في غسل دماغ الغير مسلمين باننا اشرار فـ حيقدرو يظهرو بعد كذآ استحقاقنا بأن نحارب ونباد !!

فيا اخواتي فسم بالله أعطونا منتجات حلوه نعم ومسلية ، لكن ليشغلونا ع افعالهم ...

فـ نعم كان الرسول يشتري من يهودي ،، لكن الاسلام كان المسيطر اما الان هم المسيطرين علينا ...

انا يا اخواتي بالجامعه واشوف حوليني ، البنات يمشو والسماعات بأذانيهم ، وبالانتظار يطقطقو في البلاك بيري ..
فأسالكم بالله هذا مايشعر الشخص بالقهر انهم نجحو في إلهانا وبتغطية عيوننا عن افعالهم :44:..

مره قرأت واحد يهودي يقول : احنا مانقدر نحارب المسلمين ، فحنحارب شبابهم ..
خلينا نبعدهم عن دينهم ...

فأخيـــرآ

آبل ماكنتوش أان قد شفت صور وقرأت بأنها ماسونية ، وابحثو بغوغل وهو يبينلكم ..
وغيــر ان كانت ماسونية ، فهي امريكية ..

وبينت بموضوعي انو امريكا هم من تأسيس الماسونيين القدماء ..

وكون النبي اشترى من يهودي ، فقد كانو أذلة في المدينة ، اما الان فهم المسيطرين علينا وفي حالنا ليس شرف لنا ان نشتري منهم ....

نعم .. منتجاتنا في السعودية تلات أرباعها ماسونيه او يهودية ، لكن على ألاقل نترك الحاجات الثانوية ..
صدوقني نحتاج نستيقظ .

عملت تعديل للموضوع ..
انا اتأثرت انو العظم ترك الفكرة الاساسية الي هي علاقو امريكا باليهود وبس اقتصرو على التكنولوجيا ..
ياحبيباتي قلت مانزعل على بعض ونتهاوش عشانهم ..
انا لما قلت انو مانشتري منهم إلا كل شئ ثانوي زي ماغدونالدز ماهو اساسي وغيره ...
وبالنسبة للاجهزة الألكترونيه ، فنعم كلنا محتاجينها ..
ونعم افادتنا بس بالله ماالهتنا ؟؟؟
وانا الي ذكرته بالي اشوفه بالجامعه فهو مش بس إلهاء ن بل الهاء لدرجة كبيره عشان كذا قلت انه يقهر ، لانو الكل ماسك يطقطق او ينشغل .:44:

والسلام عليكم

يلزم عليك تسجيل الدخول أولًا لكتابة تعليق.

تسجيل دخول

cute moon • 12 سنة

بنات انا امس قلت انها يهوديه لاني لخبطت بين شريكتيين فماني واثقه اذا هي يهودية ..
بس الحين راجعت وطلعت هي ماسونيــــة مع أدله كثيره من صور ..
وابحثو بقوقل وهو يقولكم ..

الحلا من الكويت • 12 سنة

قرات موضوعك السابق واستغربت انك وصاحبتك اختلفتوا على واحد اجنبي متوفي0000 وما علقت00000000
لكن بعلق على موضوعك هذا 00000000 انا اضم صوتي لصوتك 0000 احنا في غفله وفي اسوء الازمان اللي مرت على العرب والمسلمين 000 فعلا علينا حرب ليست بالسلاح0000 بل باخطر منه وهو اشغال شبابنا وبناتنا عن الدين وعن امورنا النهم واحداث اللي تصير للامه العربية والاسلامية000 وفعلا هذا ما يحدث 000
نحن نسير جميعا على طريق ماندري شني نهايته00000؟؟؟؟؟؟؟؟؟؟
فعالاقل ذكروا فان الذكره تنفع المسلمين000 يمكن موضوعك يقرونه 1000 ويتعظ واحد وهذا شي طيب000 ربي يوفقك ويعزك ياللي ادورين العزه للعرب والمسلمين0000000

i am lolo • 12 سنة

طيب بتقنعين مين هذي تكنولوجيا وحابين نستفيد منها اي شي دخلتو الماسونية بالموضوع ؟؟؟
صح الهتنا لكن هذي اشياء حلوه ونستفيد منها بالتواصل مع الغير .....

cute moon • 12 سنة

((يارب فرج همي )) :

لا يمكنك مشاهدة هذا التعليق لانتهاكه شروط الاستخدام.

حبيبتي انا اقولك ليه ...
في واحد اوربي كان من الماسونيه ، المهم وطردوه منها فحب انو يعاقبهم فعمل لعبه على شكل كروت (زي الكتشينه )

وكتب في كل كرت هدف من اهدافه ...

هذا الشئ حصل قبل عشرين سنه او 15 سنه ,, وربما اكثر ..

ومن هذه الكروت ، انها حطت حكام مايخافو الله ، على بعض الدول المسلمه بيبهدلهم ووالله شفت الكرت وصورته ، وبعدين تنبأو انو حيثورو على حكامهم ..

لييه ؟؟
علشان يكون ليهم عذر ليدخلو الدول العربيه كحماية للشعب ...

لاتنسي حبيبتي انو هم عندهم انو المسيح الدجال لن ينزل حتى يبنو هيكل سليمان على انقاض الاقصى ، ولحتى يفنو التوحيد من الكره الارضية ..

فأنتي شايفه كيف انو الي طكره الماسوني المطرود الي ألف اللعبه قد تحقق الحين

cute moon • 12 سنة

بنات انا اعرف اننا بنستخدم التكنولوجيا ...
وهي مهمه لكن ترا هي من اشكال الإلهاء هذا ..