شركة نباتية للعناية بالبشرة الرجاء الدخول

اختي هذي الشركة منتجاتها مش موجودة في البلدان العربية إلا في لبنان على ما أضن وهي ماركة فرنسية طبيعية, بصراحة هي ماركة حلوة أنا جربت منها كريم للوجه لونه وردي مع اللوشن والتونك عجبني وأخذت أنواع مختلفة من العطورات وكريمات الجسم بالخوخ والفانيليا والمشمش وأشيا كثيرة أخذت منها هدايا للأهل يوم رديت من ألمانيا واسعارها رخيصة ومناسبة للجميع هذا موقعهم www.yves-rocher.com

BabygirlSw
شكرا على المرور .. بصراحة جربت كريم الوجة و التونك و السنفرة و الحليب و الماسك مجانا بصراحو وايد حلو و عجبني .. ما أدري ممكن أذا جربت المنتج الثاني اللي قلتي عنه احتمال يعجبني أكثر من الاول ... شكرا عزيزتي مرة ثانيه على المرور اللي أثلج صدري :)

حبيبتي أم نايف ماقصرتي يالغلا على الافادة وأنا مثلج جربتهم مرة وحدة وعجبني خلت بشرتي ناعمة..و الشركة موجودة عندنا بالكويت تطلبين منهم المنتجات و عندهم خبيرات تجميل تييي البيوت و أسعارهم نوعا ما معقولة بس مو رخيصة مثل ماقلتي .. يعني كريم صنغنطوط :) سعره 7دنانير و نص.


وينكم يا بنات منو جربها بعد .. أبي ردرد تشجع أو لا لاني ناوية أشتري
او اللي عندها شركة ثانيه تفيدني حبيباتي .. ناطرتكم

على فكرة بنات ..

الخبيرة قالت لي ان بعض المنتجات واللي يقولون عنها انها طبية تحتوي على كيماويات

ولكن .. منتجات شركتهم طبيعية 100 % !!!

عاد انا ماصدقت 10% ههههههههههههه والسبب انها تسوق و تحتاج لمثل هالكلام اللي والله العالم قد يكون صحيح أو لا

بصراحة أول مرة أعرف ان الماركة موجودة في الخليج لأني شريتها من ألمانيا وصرت أوصي عليها من فترة لفترة , أختي ملاك الخير السعر مو رخيص رخيص لكن بالنسبة للجودة أشوفه رخيص وبعض المنتجات رخيصة مرة يعني كريم الجسم بالنكهات 400مل بحوالي 30درهم وجل الدش نفس الحجم بسعر أقل والعطورات بعد في عطر لونه بيج ريحته حلوة بحوالي 70 درهم يستاهل سعره لكن يمكن يزيدون السعر عشان الضرايب لكن أحس أن الماركة أحلى وأرخص من بودي شوب هذا في رايي أنا لكن الناس أذواق وآراء مختلفة, لكن في منتجات غالية شوي مثل منتجات التنحيف بعدني ما جربتها ,أما الكريمات والعطور عجبتني وايد.

هذي المنتجات اللي جربتها كلها والبنات اللي ما فتح وياهم الموقع يجربوا يفتحوا الموقع الألماني www.yves-rocher.de
حاولت أنزل الصور كل صورة برحها مع الشرح لكن ما عرفت الطريقة جربت ملفات مرفقة ما ادري إذا بتضبط ولا لا سامحوني إذا ما ضبطت لاني ما اعرف أنزل صور في المنتدى.