وش الهرجه ياعرب ههههههههههههههههههههه 😂

استغفرالله

كن المنتدى علق عند هالموضوع 😐
صدقوني اكثر من يتضرر بموضوع التعدد بعد فتره الرجال نفسه
ممكن بالبدايه يكون الموضوع صعب عالاولى والثانيه تدخل متحمسه بتتملك قلب الرجال بعدين يطخون الثنتين ويبدون كل وحده تنهش فيه من جهه طلبات ومسؤليات ومشاكل ويروح لهذي تقول ليش والثانيه تقول ليش واخر شي ينام بالملحق
هذا واقع اغلب المعددين
كثير منهم ندمو على هالخطوه لكن تدبسو بالاطفال والمرأه احيانا تكون رابحه من زواجه بعضهم يكون من النوع النشبه المستقعد لزوجته عالحبه ونص وبعد مايتزوج يخف هالطبع واحيانا يكون جلده بخيل وبعد الزواج يفك جيبه والزوجه ماعاد ترحمه
اتكلم من واقع شفته كثير
التعدد بالاخير يضر بالرجل اكثر من المرأه حتى لو كابرو وهايطو بالمجالس ريحة مشاكله فايحه مايقدر يغطيها


عشان كذا اركدو وريحو والله مايصير الا اللي ربي كاتبه وبلا كثرة هرج وكلام تأثمون عليه

اعرف وحده زوجها تزوج عليها وحده صغيره قد اكبر بناته... اللي صار إن الاولى زوجت عيالها وبناتها وماشاءالله لاقوة إلا بالله ماتخلي مكااااان سفرات تروح عند اخوانها مناطق بعيده تجلس بالاسابيع وتروح عند عيالها وبناتها محد دورها وزوجها عند الثانيه طبعا كبير متقاعد وعنده القلب والسكر والضغط وكم مره يسوي عمليه والزوار والعنايه كلها عند الثانيه ومن يوم عرفت نفسي وهو داااايم عند الثانيه مدري الأولى قالت له مسامحتك او ليش بالضبط ..مع العلم انه عااااادل بين الثنتين بالاشياء الثانيه والثنتين يحبووون بعض مرا حتى أحيانا تتعب الأولى وبحكم بناتها متزوجات مايقوم فيها ويراجع معاها المستشفيات غير الثانيه...
طبعاً لما خلفت الثانيه الاولى خلاص زوجت عيالها صار الزوج اذا تعبان يجي يريح عند الاولى يقول بيتك راحه مافيه ازعاج صغار😅😅😅😅

ماباخذ رضاوه لو يجيب لي مال قارون ماراح اقوله انا رضيت يحطها حلقه بااذنه اني مو راضيه وزعلانه ولا يرضيني شي ويصف مع الناس اللي جرحوني وقهروني بحياتي وبس صح هو شرع رب العالمين اللهم لااعتراض لاكن من ناحيتي انا اشوفه وجعني في نفسي وقدام العالم والله يعوضني ويرضيني و اللي يحب انسان مايبدله باااحد