شروط معقده عشان اطلع بطاقة هوية!!!؟؟؟

عزيزتي

حجزت موعد بعدها تروحين على الموعد تاخذ الموظفة الموعد وتعطيك ورقة تعبينها مع الصور بعدها

تقول لك خذي الأوراق والصور اعطيها لزوجك يوقعها من قسم الرجال
ويخلص زوجك بسرعة ما يطول الموضوع

وتجين عند الموظفة وتاخذها منك وتصورك وتقول لك روحي وارجعي بعد اسبوع تلاقين البطاقة جاهزة وسلامتك

نسيت اقول لك بخصوص السيدتين هذا في حالة عدم وجود زوجك بس إن كان زوجك أو أخوك أو أبوك موجود خلاص هو اللي يروح يعرف بك عند قسم الرجال يعني الشغلة فقط للتعريف والتأكيد إن صاحبة الصورة هذي هي فلانة اللي بتطلع البطاقة

دعواتك إن الله يفرج لي همي

مشكور على التوضيح اختي حتى انا بطلع لي والله يعين.

يابعد قلبي يام فهد6 ريحتيني يعني الشغله الحمدلله مافيها تعقيد 
الله يفرج همك ويسهل امورك ويرزقك سعاده عاجل غير اجل تسجدين فيها لله شاكره 
جزاك الله الف خير 

عزيزتي عندك 3 خيارات لتعريف بنفسك
1 احد محارمك زوجك او ابوك او اخوك ويوقع على صورتك الشخصيه من الخلف طبعا يطلبون 2 صوره شخصيه

2 التعريف عن طريق جواز السفر فإذا عندك جواز سفر خلاص تقدمينه مع صورتين شخصيه

3 إذا ما عندك قريب يعرفك أو جواز سفر تضطرين تجيبين حرمتين يعرفونك

المطلوب تعبئة المعلومات اطبعيها بالبيت وعبيها,,, و2 صوره شخصيه 4x6 وتعريف أحد الثلاثه الي ذكرت لك وبعدين أول ماتوصلين لهم تقدمين الأوراق ويعطونك رقم وإذا طلع رقمك بالشاشه تروحين يأخذون لك صوره وتنتهين بعد اسبوع ترجعين تستلمين البطاقه

ملاحظه عبيء الخانه الي بتعرفك فقط لو مثلا احد المحارم عبيئه هي

بالتوفيق