شريت الاعشاب الهنديه لفرد الشعر وكيف الطريقه

حبيبتي انا بشرحلك.. بما اني سويتها من قبل شهر
1. روحي للصالون عشان يعملون لك سشوار للشعر ...سيده
2.خليهم يخلطون الحنا مع الروب واللبن ...يعني تكون الحنا شبه سايله ..لاهي ثقيله ولا خفيفه
لأني يوم رحت الصالون ..سبحان الله ..كان حظي ان عندهم عاملة مصريه كانت تعمل هذه الحنا بمصر ..فهي قالت أنهم بمصر يخلطونها مع الروب واللبن..
3.بعدها يحطونها لك خصلات طواليه لين يخلص الشعر..
4. يلفون الشعر على شكل طاقية..
5. ويلفون شعرك بالنيلون للأكل لف كامل وعدل عشان ..لا تتسرب الحنا
6.تخلينها لمدة 24ساعة
7.بعدها تغسلين شعرك بس بالماء..وتحطين الزيت لمدة ساعتان أو أكثر
8.بعدها أغسليه بالشامبو والبلسم
بعدها تمتعي بشعر ناعم ..
والله صارلي يمكن 20سنه وانا أستخدم السشوار ..بعد الحنه ذي ..اللهم لك الحمد والشكر ...صرت ما اعرف السشوار وين مكانه.

تسلمين يالصيود والله ماقصرتي