شريت حبه لكن اليوم باعه

السلام عليكم
اخباركم حوائيات
انا متزوجه سنه وعليها لسى ماكملت سنتين المهم زوجي صفاته كالاتي بيتوتي عنده اصحاب لكن في حدود الدوام مايطلع مع احد ولايروح ولايجي من الدوام للبيت للمسجد فقط ولاهو راعي بنات وخرابيط وحلف لي ماعمره كلم بنت بحياته وطبعا حتا اخته شهدت بهذا الشي (رغم ماعمري سألت)تقول 24س جواله مرمي ولايهتم فيه غير كذا شريحته ذي لها 8 سنوات من قبل يعرفني لو كان يكلم كان يجي ازعاجات بس ابدا محد يدق ولايرسل ولاحتا بالغلط ولازال الطبع فيه رامي جواله وانا افتحه دايم قدامه مايقول شي المهم اول اسبوعين من الزواج علاقتنا كانت جدا متوتره وكان كل همه انه يمشي كلامه علي وكان مافي شهر عسل قضيناه بالبيت رغمم انه توه مستلم قرض الزواج وكان اخوه كل ماجا يتمشى مع زوجته جا اخذمن زوجي فلوس وكنت انقهر رح القرض متهنينا فيه وكان يسلف كل شوي واحد داق من اقاربه لانهم عارفين ان عنده قرض ويوم شفته كذا طلبته عشره الاف قلتله بخبيها لبعدين ع الاقل نشتري فيها الاجهزه الكهربائيه بعدين وعيا وهاوشني وربي ماانسى هذاك اليوم المهم فسفس قرض الزواج ولاتمشينا ولااشترينا شي لبيتنا المهم حملت وبدينا نفهم بعض مع الايام وننسجم رحت اولد عند اهلي وكان كل يوم يدق وفجاه صار يسحب اسبوع عادي مايدق شكيت انه صار يكلم ووسلي الشيطان قلت يلا اذا جا بشوف جواله وبعرف بعد ماولدت جا شفت جواله وشفت السجل حق شهر مافي مكالمات غريبه ولارسايل الوضع عادي وجيت اشوف الواتس وماادراك مالواتس لقيت واحد من اخوياه كل رسايل+18 حسبي الله ونعم الوكيل رحت عنده قلت وش هذا قل ماشفت شي تطمني قلت كيف تقنعني وانت مرسل بعضها لخويك الثاني معقول بترسل شي ماشفته المهم قلت له احلف ع المصحف ورفض عرفت انه شافها وقام يهاوش مافي ثقه ومدري ايش ورما الجوال قال خذيه حطيه بالدرام ماابغاه واخذته خبيته وبعد يومين طلبه واعطيته المهم ذاك اليوم وربي مانمت ابكي وادعي على خويه هذا اللي يرسل المقاطع وسافر زوجي ودق علي بعد اسبوعين قال انتي يوم اخذتي الجوال ارسلتي لفلان قلت لاليه قال من يومها لين الحين ماعاد ارسل شي واخر دخول له نفس ذاك اليوم قلت مدري عنه المهم جيت عند زوجي وقرب رمضان ورجع خويه يرسل بس رسايل عاديه لين بعد رمضان ارسل 3 رسايل وصخه والجوال كان معي زوجي نايم رحت ارسلت له كلام عن اللي يرسل ويشوف مقاطع زي كذا كيف بيكون عقابه وان كل شي يشهد عليه وكذا ولاعاد ارسل شي وصخ ليومكم هذا
لكن خلاص فتح عيون زوجي على هالاشياء اليوم صحيت وهو كان سهران امس فتحت الاب اشوف المحفوضات لقيت يدور مقاطع وصخه في اليوتيوب وربي قهرر مدري كيف اتصرف معه المصيبه انه مو مقدر وقفاتي معه كان مديون لبنك التسليف واعطيته 6 الاف وكان مديون لواحد واعطيته 3 الاف وبعد ماكنت اشتري من الغالي صرت اشوف السعر قبل اشتري صرت مااروح ال المحلات الرخيصه ابو 10 و15 عشان اوفر له قصرت على نفسي وحرمت نفسي من اشياء كثير عشانه وصرت مااهمه زي قبل لو اني مطلعه عينه ومايهمني اهم شي طلباتي تجي لو كان يتسلف ولو كنت ماساعدته وخليته يدبر نفسه ولو كنت انشبله على كل صغيره وكبيره كان عملي حساب وصار يشوف ضلي بالما قبل يسوي اي شي من وراي يفكر مليون مره