كوبونات الراقية تسجيل الدخول

أمة اللـه

شريت (رتن أي+الدوكين+الكوم ) بس ماعرف شلون أستخدمه

العناية بالبشرة •

السلام عليكم ورحمة الله وبركاته

كيف حالكم بنات إن شاء الله بخير وصحة وسلامة

بنات اللي جربو هالخلطة السابقة بليز أبي مساعدتكم شلون أستخدمه أبي إجابات على أسألتي

1 - يعني أخلطهم كلهم مع بعض والا كل واحد بروحه وأستخدمهم على الويه كامل والا بس الآثار ( ما أظن يكفي للويه كامل لأنه صغير ومايكفي )

2 - كم مرة أستخدمهم باليوم .. آنه قبل كنت أروح المستشفى يعطوني كريمات أستخدمهم ثلاث مرات باليوم بس طبعا بدون فايدة .. مادري بعد هالكريمات ثلاث مرات باليوم والا مرة وحدة

آنه قريت الموضوع مال للدكتورة هالة تعطي فيه نصايح وحلول لمشكلة حب الشباب و نصحت وحدة من الخوات بهالكريمات بس ماذكرت كم مرة تستخدمهم أو طريقة الاستخدام والمشكلة ان الدكتورة هالة ماتقبل الرسائل الخاصة علشان أطرشها وآنه مشغولة وايد هالأيام ماقدر كل يوم أدش المنتدى وأقرأ المواضيع عن تجارب البنات اللي استخدمو الخلطات ( إختباراتي تبدأ من 7 / 7 و تنتهي 20 / 7 فلازم أحضر عدل للإختبارات )

طبعا شريتهم من صيدلية الطب الخاص .. كريم الكوم مو مكتوب عليه شلون أستخدمه بس مكتوب لمدة 30 يوم أما الرتن أي والدوكين مكتوب عليه : apply cream at bed time for 30 days as a thin layer يعني معناه أستخدمه بالليل قبل لا أنام

وهل أخلط الرتن أي والدوكين مع بعض وأستخدم الكوم بروحه والا كل واحد بروحه والا أخلطهم كلهم مع بعض .. أدري والله كثرت أسألتي بس محتاجة المساعدة ضروري و ياليت لو أي أحد يعرف الدكتورة هالة ولها علاقة مع الدكتورة هالة تخبرها عن موضوعي .. أرجوكم والله وايد ضروري لأن ويهي وايد متضرر من هالآثار وصاير يلوع الجبد

ولكم جزيل الشكر مقدما
7
828

يلزم عليك تسجيل الدخول أولًا لكتابة تعليق.

تسجيل دخول

سينما
سينما •
للرفع
أمة اللـه
أمة اللـه •
سينما سينما :
للرفع
للرفع
مافهمت شنو يعني للرقع ؟؟
ميما80
ميما80 •
شوفي تاخذين من كل كريم كميه متساويه وتخلطينهم وتحطيهم على ويهج مثل الاسك وبس حبوبه :)

جذي قالي دكتوري
ضويه
ضويه •
تخلطينهم مع بعض وتحطينهم باليل بس اول مره حطيهم ربع ساعه وغسلي وجهك بالصابون واذا قمت الصباح لازم تحطين واقي شمس وثاني مره زودي الوقت خمس دقايق بعدين كل يوم تزودين الوقت ليما ياصل انك تنامين فيه ليله كامله وكذا لمده اربعين يوم بعدين خلاص وقفي الكريم واستمري على واقي الشمس
أمة اللـه
أمة اللـه •
ضويه ضويه :
تخلطينهم مع بعض وتحطينهم باليل بس اول مره حطيهم ربع ساعه وغسلي وجهك بالصابون واذا قمت الصباح لازم تحطين واقي شمس وثاني مره زودي الوقت خمس دقايق بعدين كل يوم تزودين الوقت ليما ياصل انك تنامين فيه ليله كامله وكذا لمده اربعين يوم بعدين خلاص وقفي الكريم واستمري على واقي الشمس
تخلطينهم مع بعض وتحطينهم باليل بس اول مره حطيهم ربع ساعه وغسلي وجهك بالصابون واذا قمت الصباح لازم...
مشكورييييين مشكورين ع المساعدة

انزين واقي الشمس ضروري ؟؟ خصوصا إني ما ماأطلع من البيت إلا قليييييل وألبس برقع يعني ماأتعرض للشمس

و مشكورين مرة ثانية ع المساعدة وجزاكم الله كل خير