وربي اشتقت انزل موضوع لكم نستفيد كلنا منه
طبعا كلنا ندور على السنتيانه الزينه اللي ترز الصدر مع الملابس بالبيت وبالطلعات ولا تخرب مع الغسل والاهم سعرها يكون مناسب للجميع وحتى باللبس تكون مريحه ولاتضايق
يابنات هذاك اليوم افحط بالمنتدى ادور سنتيانه زينه ولاتخرب من كثر اللبس والغسل ولقيت تصويت البنات كلهم على سنتيانت شانتيل والله ماكذبت خبر دقيت على ابو هنود سواقنا وطيراااان للسوق ورحت للرياض مول وامشي واسأل عن هالشانتيل وكلهم يقولون مو موجوده ورحت مجمع ثاني ونفس النتيجه و كلهم يضحكون علي عجزت القاها
بس الهندي البياع ما خلاني اروح كذا بدا يعرض بضاعته قدامي وهات يا مدح فيها واول ماطلع سنتيانه اسمها (كريستال ) بـ 60 ريال بس وكانت مغلفه ومرتبه في كرتون زي كرتون الجزم اعزكم الله ولها اربع الوان الابيض والاسود والبيج والسكري وكانت غريب شكلها من وراء الرباط كله واحد يعيني مافيه شناكر بالوسط بس عل جنب ومعها اسبيرات علاقيات قماش وبلاستيك ولا بعد في منها محشي بالاسفنج وبعضها بدون حشوة على حسب اذاق الستات وانا اخذت المحشيه لان صدري مو كبير بس والله يابنات اكثر من رووووووووووووعه مع الملابس ولا تبان مع البلايز من قدام وانا اذا جيت اغسلها ما اغسلها كذا بالغساله احطها داخل كيس خاص للسنتيانات شريته من سيتي ماكس ولاتتلف السنتيانه معه
وهاذي صورة السنتيانه
وهذا الكرتون حق السنتيانه مكتوب عليه كريستال بالانجليزي وعلامة الكرستاله اسفل الكرتون
حبيت يابنات اخبركم عنها
ان شاء الله استفدوا
دعواتكم لي بالشفاء العاجل
تحيتي للجميع:26: