شريت شراب منوم لبنتي .. 💔

يا مشرفات الله يسعدكم لاتنقلون الموضوع .. محتاجة فزعة الاخوات هنا
السلام عليكم يا بنات
انا عندي بنتين وحدة عمرها سنتين
والثانيه عمرها تسعه شهور
المشكلة ان اللي عمرها تسعه شهور
نومها مرررة خفيف ومتقطع
لو تطيح شعره على الارض صحت وتقعد تبكي
نومها خفيف بشكل مو طبيعي وانا اصحى معها في الليل اربع او خمس مرات ولازم تقعد ساعتين بعدين تنام
المشكلة ان اكلها طبيعي ورضاعتها منتظمة وحفاضتها تكرمون نظفية وما تعاني من اي مشاكل صحية ولله الحمد
وانا تعبت معها
المهم ان من صديقاتي قعدت تقول لي انها تشتري شراب منوم لاطفالها وتعطيهم اذا جت تسهر مع زوجها
عشان يفضى لهم الجو
ودلتني على المحل اللي تشتري منه
ورحت المحل وهو خاص بالاعشاب وطلبته المنوم وقال لي الدكتور ان مامنه ضرر وصديقتي اصرت اني اشرتيه وتقول لي ان هذول عيالي مافيهم الا العافية وهذا المحل موجود في مجمع الراشد ومتخصص في الاعشاب الطبيعيه وبأشراف دكتور
المشكلة اني مترددة اعطيها ولا لا
مع العلم اني تعبت يا بنات والله ما انام زين وراسي صار مصدع بسبب النوم المتفطع 💔