غريب وحلووو فيه ريحه طفووليه تحسينه يعطي على ريحة بودرة وكأنه ريحة بيبيات وفيه ريحة جوز الهند ومانغو يعني هذا اللي تشمينه اخوي امس يوم شمه جن على ريحته :42: هو مكتوب انه خليط من الورود بس مافيه ريحة ورد فيه ريحة بودره وهي الظاهره وجوز هند ومانغو على خفيف يشبه شوي عطر فرزساتشي كريستال نوير بس على احلى بكثيررررر وانعم وانثوي بمعنى الكلمه
هذا للي يحبون ريحة الياسمين ريحته ريحة ياسمين خااالص وانا احب هالريحه :26:
معطر للغرف بريحة الغردينيا اللي اعشقهاا رااائع ونااااعم :26:
عندهم شموووع عطريه روايحهاا حلوووه بعد بس انا ماستعمل شموع
يوم كنت في المحل شميت عطووور حلوووه فيها عنبر او مسك وفي عطر رشته وحده بغيت اموت ابي اعرفه ريحته ريحة بووودره يجنن ورشيت فوق ال20 عطر ولا وصلت له واستحيت من كثر الرش فإن شاءالله اروح هني واستكشف طبعا جنيت كل ساعه اخذ شي وارجع شي لين استقريت على هالاثنين وان شاءالله لي زياره قريبه لهم بما اني اكتشفت مكانهم :42:
دخلت موقعهم عشان اعرف الافرع في الدول العربيه في لهم فرعين في الشرق الاوسط واحد في قطر في اللؤلؤة وواحد في دبي
وفي شي ابي اقوله اكتشفت ان مواضيعي السابقه اللي كنت اكتبها عن العطور اللي اشتريها تنقل لمواقع ثانيه بدون حتى كلمة منقول ومع انها كلها تجارب شخصيه بس عادي عندي مب مشكله مانقدر نمنع حد بس ابي اذكر وانا ادري بنات حواء مايحتاجون هالتذكير فديتهم بس ابري ذمتي قدام رب العالمين لاني شفت مواضيعي في منتديات بعضها لمراهقات ان التعطر مايكون قدام الرجال الاجانب ويكون فقط في البيت قدام المحارم وفي التجمعات النسائيه
الله يكتب لنا سفرية لقطر او دبي عشان اشتريه