عسليه برتقاليه :

ههههههههههههه انا عندي قريبتي استخدمته وعدم شعرها اتوقع يبيله وقت واتقان مو سهل مثل الاستشوار العادي وانا الحمد لله شعري ناعم بس يتلفلف شوي واحيانا تغريني بعض المواضيع واجرب اشياء وفي النهايه اكتشف كلها دعايات وخرابيط يلا خيرها بغيرها خخ

ههههههههههههه انا عندي قريبتي استخدمته وعدم شعرها اتوقع يبيله وقت واتقان مو سهل مثل الاستشوار...

lora18 :

عزيزتي هدي اعصابك:) انا بقولك تجربتي مع مكواة السيراميك بكل امانه انا اللي عندي اشتريتها من لندن مو نفس ماركة اللي عندج اسمهاcorioliss وسعرها تقريبا ب 700 درهم تقريبا وهذي صورتها وبصراحه وااايد اريح من الاستشوار والنتيجه اروع شوفي كيف استخدمها بعد مااغسل شعر واستخدم حمام كريم انشف شعري واحط شوي سيروم من اي ماركه وبعدها انشف شعري عدل عدل بالاستشوار لأن مكواة السيراميك ماتستخدم على الشعر المبلول وابتدي اخذ خصله خصله سواء بغيته ويفي او ستريت او كيرلي لأن اللي في المحل علمتني على استخدامها صح وترى اغلب الصالونات العالميه صارت تستخدم هالمكواه لأن ضررها اقل من ضرر الاستشوار:) والله العظيم من كثر ماعجبت خواتي طلبت لزوجة اخوي وحده ولأختي الكبيره وحده وهذي صورة اللي حق زوجة اخوي عشان مع اللي عندي عشان ماتقولين ابالغ وهالعيد كل البنوتات سويت شعرهم بهالمكواه اللي كيرلي واللي ويفي انواع التسريحات هههههههه وتدرين ليه صورتلج وكتبت كل هالكلام لأني حسيت انج معصبه وزعلانه من قلب:( فصدقيني مازدت ولا نقصت عليج بكلمه وحاولي تجربينها مره ثانيه بس بنفسيه احسن مب تكونين متضايقه وتقولين النتيجه مو حلوه سلفا:) وانشالله تستانسين وتكون النتيجه احلى من ماتتوقعين

عزيزتي هدي اعصابك:) انا بقولك تجربتي مع مكواة السيراميك بكل امانه انا اللي عندي اشتريتها...

رحاب الحق :

عسليه برتقاليه اي تضحكين اللي ايده في الماي مو مثل اللي ايده في النار تهئ تهئ افتكيتي عيوني والله اللي شعره ناعم عايش في نعيم الله يديم عليج ويرزقنا ومشكوووووووورة خيتوو ع المرور وعلى فكرة اسمك حلو lora18 مشكووووووورة يا عمري ع هالمواساة والله كلامك عسل وإنت عسل حبيبتي ما فيه داعي تقولين جذي أدري إنك صادقة وكل وحدة بعد قالت أنا ارتحت من المكواة أكيد كانت صادقة بس أنا أقول أكيد إنت والا هم شعوركم في الأساس ماهي خشنة يعني هالمكواة تنفع للي شعورهم ناعمة بس مطعجة وللاسف في بنات بعد ما يعرفون يوصفون نوعية شعورهم ويقولون خشنة وهي عادية وشنو اللي يصير ؟؟ اللي مثل حالتنا ومتعلق بأمل نقوم نصدق ونقص على حالنا عشان كذا أقولك دايما آكل مقالب بس شكلها اللي عندك شغلها نظيف ويقولون كل ما كانت غالية يكون شغلها أفضل أنا اللي عندي شريتها ب300 بس حسب اللي أشوفه أن بنات يشترونها ب100-150 وهم يمدحون فيها وأنت بعد حبيبتي شكلك فنانة في استخدامها والدليل أنك أبدعتي في تسريحات بنوتات العايلة الله يخليكم لبعض بس عندي استفسار خيتووووو انت قلتي أن اللي في المحل علمتك على طريقة استخدامها ممكن أعرف شنو الطريقة بالضبط ؟؟ اذا ما عليك كلافة وعلى فكرة ان اللي عندي للشعر الرطب مكتوب عليها جذي وحتى لو تلاحظي الصور بتشوفين فيها فتحات تطلع بخار أثناء الكوي ويعطيج ألف عافية

عسليه برتقاليه اي تضحكين اللي ايده في الماي مو مثل اللي ايده في النار تهئ تهئ افتكيتي عيوني...