شريت هدية لجوزى ....بس!

يعني لو تحطين شموع بغرفة النوم وتطفي النور
وتحطي الهديه عند المخده علشان يشوفها
او تحطينها جنبه بالسري اول ما يصحى يلقاها جنبه

قبل لا يدخل البيت ........ تكونين مجهزة عشاء على ضوء الشموع :10_1_103v
تكوني حاطه الهدية على السرير مع ورده جوري حمرا أهم شيء حمراااااااااا :26:
و حاطه كرت فيه اهداء رومانسي ... فلما يدخل يبدل ملابس راح يشوف الهدية
وانت طبعا كاشخه وحاطه ميكب خفيف وناعم :27:

انا عندي لج طريقة حلوة جربتها مرة مع وحدة من صديقاتي و حابة اجربها مع زوجي.. بس للحين ما صارت مناسبة...

هي الطريقة راح تكون مثل لعبة البحث عن الكنز... لكن بطريقة غير مباشرة و تكون رومانسية و حلوة..

و يفضل لو تنفذينها عقب العشا و قعدتج معاه و السوالف.. عطيه بطاقة.. كانها نهاية للسهرة.. و خبريه في هذي البطاقة مشاعري لك.. و خليه يقرأها.. و في نص الكلام (اللي في البطاقة) وقفي و اكتبي له بين قوسين (لو حاب تعرف البقية روح في المكان الفلاني في الغرفة الفلانية) و تكوني حاطة بطاقة ثانية.. و تكملي الكلام اللي قطعتيه... و مرة ثانية توقفي و تطلبي منه انه اذا يحب يعرف بقية الكلام.. يروح المكان الفلاني في الغرفة الفلانية... و هكذا

طبعا عدد البطاقات على حسب رغبتج في تجنين الزوج... :D و في اخر بطاقة.. تخبرينه انه فيه شيء ينتظره في المكان الفلاني.. (انا اذكر حطيت الهدية حق صديقتي في فرن المطبخ) و ركضتها من غرفة نومها.. لتكرمين الحمام.. و غرفة غسيل الملابس (علقت البطاقة على حبل الغسيل).. و اخيرا خبرتها انه في شيء ينتظرها في فرن المطبخ.. هي عبالها اكلة لكن طلعت هدية...و ليومج تذكرني بهذا الموقف..

جربيها عن جد ممتعة و صدقيني حتى لو بس جبتيله وردة.. راح تجننه طريقة التقديم.. و ما راح ينساها ابدددا...

موفقة