شريكتي في المدرسة فقعت مرارتي بلؤمها

السلام عليكم

اخواتي انا معلمة اقتصاد ومعايا معلمة ثانية وندرس المدرسة كلها

انا بطبعي هبلة واحب اساعد الناس

في اول الايام انا وهي كنا جداد على المدرسة بس هيا حسب كلامها اول مرة تدرس في حياتها

لكن انا كنت ادرس في مدرسة ثانية لمدة 7 شهور العام لكن مادة ثانية غير تخصصي

فحبيت اساعدها في كل شيء خصوصي كانت دائما تقول انا باترك انا خايفة

انا ما اعرف ............. الخ من الكلام الفاضي

كمان شغلة كانت دائما تكلفني بكل شيء

يعني مثلا التوزيع يا فلانة دوريلي طيب وانت يدك مكسورة ولا جاهلة

كل شيء على دا الحال دوريلي وسويلي وانا اقول مسكينة البنت ضعيفة

وكنت اقولها والله الي تحتاجيه انا اسويه انت اختي ان شاء الله ولا تخافي ولا شيء

لين مالشي زاد عن حده وسار شغلي يتاثر

عندي ورقة باصورها لان عندي حصة بعد شوية لا يافلانة انا عندي ورقة ابى اصورها دحين ضروري الله يخليك

الله يخليك كلمي المديرة على ..... لان هيا لسانها ما تعرف تشغله الا في الحش والكلام الفاضي

ووووووووووو

انا ما اقدر اشتغل لنفسي ولا لبناتي قد ما اشتغلها حتى لو اشياء بسيطة تاثر

زي لمن ادورلها على شيء صعب الاقيه في النت و ادور هنا وهناك

والمصيبة في يوم انا جبت لابتوبي معايا المدرسة وبالصدفة جلست في جهة من الغرفة الا القى النت شبك من احد من الجيران قمت قلت فرصة

وفتحت موقع حق معلمين في تاحضير وبلالالالالاوي كل شيء تحتاجه المعلمة هناك ما شاء الله

قلتلها يلا شوفي حبيبتي هادا الموقع شكله واسمه وحملتلها كم شيء هيا تبغا واخدته على اليو اس بي

وكل يوم يا فلانة جيبي لابتوبك لان حسب كلامها هيا ما عندها لاب توب

وكل يوم انا اجيب لين في مرة شلت اللاب توب وكنت اشيل واشقى احيانا لها بس انا ما استفيد منه المهم شلت اغراض كثير وجاني الم فظيع في كتفي ورقبتي وحلست مع ىنفسي افكر

البنت دي استغلالية لابعد درجة وبطريقة فظيعة وفي الاخير تنسب كل شيء لنفسها

سرت معد اجيب اللاب وقلتها انا مرضت ومعد اقدر اجيبه على الاقل للفترة دي لين يختفي الالم وربي شيء فظييييع

قامت حضرتها زعلت كيف بطلت اخليها تستغلني وكل شوية طالبة طالبات مني واقولها مثلا طيب ولا اسويلها هيا سرت اطنشها على خفيف


تخيلوا سببب رهيييييب خلاني اسوي معاها حركة الاب توب و الاشياء الثانية

فجاء جاتنا مشرفة المادة وكانت بنت حلال الله يستر عليها في الدنيا والاخرة يارب

قبلها قالت للمستغلة الي معايا دي ان في دورة والبنت راحت تقريبا مرتين وشافت المشرفة وعرفتها والمشرفة اعطتها الحقيبة التعليمية للمادة

الي فيها التوزيع و امثلة لتحاضير نموذجية وووووووووو كثير اشياء مهمة للمادة


تخيلوا حركتها حسبي الله عليها اخدت السي دي و راحت طبعت لنفسها كل شيء لين اوراق التقويم وكل شيء

بعدها باسبوع تقريبا جاتنا المشرفة وانا ما ادري عن السي دي الا بالصدفة ويوم قلتها ابغى اشوفه قالتلي انا دحين باحطه في الملف مافي تخيلو وانا كان عندي حصة سكت وبعدين نسيت

المهم المشرفة جات شافت كل الي عندي شغل يدي انا واحتهادي مرررة مو من الوزارة حقها هي استغربت

قالتلي ما قالتلك واشوفها الله يكافيها طابعة ومصورة وكل اغراضها جاهزة وانا عندي نقص كبيرة قلت للمشرفة ما قالتلي

قامت المشرفة الله يستر عليها قالت طيب تاني مرة اي واحدة تعرف شيء تقوله للثانية

وطبعا هيا لا حياة لمن تنادي

وكل شيء مكلفة بيه انا وهيا تخلي عليا الله يكافيها

تخيلوا عندنا مشترك

تزين غرفة الاقتصاد + نشاط

النشاط يمكن ام حضرته الا بالقوة مرتين او ثلاث واغلب الظن مرتين في السنة واليوم كان اخر حصة نشاط والايام كلها انا ماسكتها تخيلو لوحدي هيا زينة

المهم اليوم كان في احتماع خرجوا المعلمات رايحة اكلم المديرة اقولها النشاط نظري ويطفش نبغى نغير الترم الجاي بشيء عملي يفرح تقوم تخش فينا عرض وتتكلم كانها هي الفهيمة وستتني وكانها افكارها الله يحرقها والمديرة سارت تستمعلها غطت عليا حسبي الله عليها

قوية بشكل


نجي للغرفة من بداي السنة في وم اجتمعنا وقلنا الغرفة واتفقنا على الوان تقوم حضرتها تروح في يوم وتجيب من المخزن وربي الوالن وتجاليد تضحك وتقرف في الشكل واللون

يعني الانسان العاقل ما يحطها تخيلو تبغى تجلد الطاولات حقت جلست البنات والطبخ بورق تجليد خفيف مرررررة ولونه موفي معفنننننننن والله درجته خايسسسسسسسة مررررة

لا والمصيبة كل الغرفة ازرق نيلي ودرجات ثانية ما شية معاه بالله تخيلو المنظر المعفن لو خلت القديم الازرق حلو والله

قلتلها لا ما عجبها

بعد كدا اتفقنا الاشياء بالنص بيني وبينها وفي نفس اليوم او بعدها بيوم واحنا اصلا عندنا مشاكل دائمة في البيت وظروفنا صعبة وزي الزفت والله

واصلا واحنا طيبين في البيت ابويا رجال كبير والله العظيم ان تمر علينا اجازة الصيف 3 شهور ما نخرج فيها من البيت الا اسبوع واحد او اسبوعين من 3 شهور

وليش ؟؟؟؟

عشان نروح سوبرماركت نقضي اكل بعد البيت ما فضي مرة ومعد في شيء ناكله لا وبالمضاربة بين امي وابويا وحااااااااال

خلاص ابويا كبير ومريض ولا عاد في يودي او يجيب ومافي غيره وفهمتها الكلام دا كله

في البداية قالت خلاص انا بانزل واشتري ايوا عندي اخويا وعندي وعندي

ولمن قلتلها على ابويا وظروفي تخيلوا على طووووووووووول قالت هاااااااا لا لا انا ما اقدر ما عندي احد

اقسم بالله ما كذبت في شيء ولا اتبليت عليها في شيء ولا بالغت او بهرت الي حصل قلته

وانا بعد حركة اليوم محروق قلبي منها


وابغى اعرف المديرة عشان انا اصلا شاكة انا تنسب كل شيء لنفسها حتى لو انا سويته ولا تبين للمديرة

اصلا كذلبة جابت البنات يشتغلولها والله وتكسر ظهورهم في الاخير تقول اااااي ظهري يوجعني من الشغل تخيلوا


فظييييييييعة

اش اسوي ارائكم الله يخليكم

1/ اروح اكلم المديرة بما انها حبوبة معانا ودائما تقول ابغاكم يد واحدة وكدا بس المشكلة انا اتاخر الصباح كثيررررر وهادي نقطة ضعفي غير كدا تقريبا معظم واجباتي انفذها الحمدلله

واقولها بالعلني واقولها كلميها بس بدون ما تدري اني قلتلك

2/ اروح اشتغل في الغرفة اذا قدرت وبعد كدا اجيب المديرة واقولها شوفي انا سويت دا ودا ودا لوحدي بس المشكلة مين يشتريلي الاغراض ؟؟؟؟

او حل ثالث

بالله مالي غيركم ومحروق قلبي وربي من اول ماني قادرة انام من القهر :44: