حطيت الخلطة قبل يومين على وجهي وحسيت بنغزات وحرااارة

قلت باستحمل يمكن هذا مفعولها بدا يبين

خليتها ساعة ونص وفركتها بليمون ويوم غسلت


الله لايوريكم

صار وجهي مبقع قسم بالله بقع حمراء وحااااار

حطيت على وجهي فازلين وبالليل زيت لوز

خفت الحرارة شوي بس البقع ماراحت


وش أسوي بنات الله يسعدكم:(

هذه الخلطه يابنات والله انكن
خلاص بدخل في الموضوع
أنا متابعه للمنتدى من زمان وأخذت خلطه للتبييض شكلها روعه لكن ما أذكر من كتبتها و أبي الرابط تبع هالخلطه لأني سويتها ومتحمسه لكن ودي أقرى الردود على الموضوع أو إذا أحد منكم جربها يقول لي....
الخلطه هي مثل ما كتبتها صاحبتها

(((السلام عليكم ورحمة الله وبركاته اشلوونكم يا بنات جايبه لكم وصفه تاخذ العقل الحين بحط المقادير والطريقة واتمنى تجربونها وتشوفون النتيجة المذهلة اللي حصلتها المقادير صابونة غار مبشورة ناعمة جدا تنقعينها بكاس ماي ورد طول الليل عشان تذوب علبة جلسرين السائل الشفاف من العطار علبتين جليسوليد الاحمر كبار فنجان قهوة زيت زيتون فنجان قهوة زيت لوز فنجان قهوة زيت خروع ملعقتين كبار كركم من العطار لاتستخدمون مال الاكل لانه صبغته قوية علبة فكس صغيرة تخلطين كل المقادير خلط جيد او بالخلاط لين تمتزج مع بعضها وحطيها بعلبة واستخدميها يوميا لمدة ساعتين للجسم والوجه وانا حتى استخدمها للمنطقه الحساسة والابط وشفت بياض موطبيعي ونعومة وكل الاثار اللي بجسمي اختفت انا ادهنها على جسمي ولما اجي اغسلها افرك بالليفة اللي من بدي شوب اللي على شكل قفاز احسن من الليفة المغربية واسوي سنفرة الملح الخشن مع عصير الليمون يعني اخلط كمية ملح خشن مع عصير ليمون واتفرك فيه تدرون ليش الخلطة ماحطينا فيها عصير ليمون؟؟ لانه يخيس يعني اذا تبين تضيفين عصر ليمون للخلطة اللي قلتها ممكن بس لازم تستعملينها قبل لاتخيس انا مااضيف عصير ليمون لكني استعمله بالسنفرة مع الملح عرفتوا؟؟ وانا على فكرة اسوي حمام مغربي كل اسبوع عشان ازيل الخلايا الميته واجدد البشرة وحتى اللي تسويلي الحمام المغربي سألتني شمسوية جسمج مختفية منه اثار الحبوب وصايرة بيضة تلقين بس ماقلتلها الطريقة لانه الصالونات مايعلمون هم شيحطون للزباين خخخخخخخ نحيسة بس لاتسألوني عن الخطوط واثار الحمل لاني لامتزوجة ولافيني خطوط فما ادري اذا هالخلطة توخرهم ولا لأ لكن اذا تبين بياض ونعومة جربي هالخلطة ممتازة خصوصا للعرايس واللي عندهم مناسبات ولاتنسوني بالدعاء الصالح مابي منكم الا الدعاء ودمتم سالمين)))

بس حابه أضيف شي
1/ يمكن صيغة الكلام تختلف عن اللي كتبته صاحبة الموضوع لأني نسخته من منتدى ثاني لكن كنت ماخذه الموضوع قبل من عالم حواء
2/ أنا الخلطه سويتها لكن مارح أحطها في وجهي (( ما حب أغامر )) وتوني مالي يومين وإن شاء الله تجيب نتيجه لأني ماسويت خلطه إلا وما تنفع معي ولا تغير شي <<<<<< خبركم السواد أصلي...
3/ أحس الصنفره بالملح الخشن ما تنفع كل يوم لكن باحاول أسويها يوم ورى يوم..
4/ أعتذر لصاحبة الموضوع الأصلي لكن بصراحه هو قديم ورح أتعب ما ألقاه وأنا الخلطه طبعتها عندي لأن كان كلام صاحبتها حلو لكن ما قدرت أسويها لأني ما كنت فاضيه وهي يبيلها صبر..

أدري إني طولت لكن ياريت اللي عندها الرابط تزودني فيه الله يبيضها ويصفي بشرتها ويكثر شعرها وأجرها يارب...
**********************************************************************************
*******************************************
ويارب الجميع يستفيد ان شائ الله
بنات مابي غير دعوة من قلب صافي لي وللاولدين واخوتني

الله يجعل مثواك الجنة انت ومن تحبين والمسلميييييييييييييييييين

(امييييييييييييييييييييييييييييييييييييييييييييييييييييييييييييييييييييييييييييييييين)

مساء الورد

أنا خواتي جرّبن هالخلطه وهن بشراتهن تختلف يعني لو مابتضبط في الأولى لازم الثانيه هيه
المهم ماكان منها فايده..خسارة فلوس لأن كل هالمكونات خذوهن من العطار وبالغلا
هي مثل ماذكرن بعض الأخوات..نعومه...واللي قالن إنها تبيض الركب والأكواع..حبايبي هذا مب تبييض تفتيح وهو نتيجه طبيعيه لأن هالمنطقة تحتاج للترطيب
أنا الحمدلله ركبي وأكواعي مب هذاك الزود سمر لأن جسمي ولله الحمد والشكر بطبيعته طري

وبارك الله فيكم جميعا ويسرلكم أموركم ونوّلكم اللي فيه رضا الرحمن

كلمة حق اقولها هذى الخلطة روعة وعن تجربة بس انا اضفت هردة وماطلعت سايلة وانا حاطتها بالثلاجة بنات تقريبا هذى احسن خلطة جربتها الله يجعله بميزان حسناتها شسالفة ماقصرت وفادت خواتها الله يحقق امانيها ويسعدها ويوفقها للى فيه صالحها باذنة تعالى