بنات انا نفسي اعرف ايش السبب ؟؟
اعتقد الغيرة على الابن
بس بنات ليش هاي المشكلة ما كانت الا في حياتنا الحالية !!
انا اظن بسبب انو احنا مو عارفين نحل المشكلة ,أحسن ما نقطع الرحم
وهذا خطأ كبير ,المشكلة تزداد والله ما يرضى بالظلم
في جانب مهم لازم الزوجة تعرفه وتهتم به
وهو التناصح
يعني الكلام المباشر للأم عن هذا الموضوع وتذكيرها بالله
لازم الأم تعرف انو الظلم ظلمات يوم القيامة , ولا يعني انها أم الزوج ان لها حصانة من العذاب فهي لم تظلم ابنها فقط بل ظلمت امراة أخرى
انا ما اعرف لكن هذا رأيي <<بسبب الظلم اللي شفته واللي نكَّد علي أحلى أيامي
والزوجة ما تنسى بنفس الوقت حق الام وتراعيها على قدر الممكن ولا تكون السبب في قطع الرحم ابدا
ان أخطأت فاستغفر الله

اختي حبيسة الدموع
مافي اي فايده المشكله مب كيف تحلها المشكله اذا الطرف الثاني مب راغب في حل هذه المشكله يعني انا تواجهت معاها اكثر من مره ولا طلعت غير بدموع وكلام مب قادره انساه لين اليوم وزاد الكره والتباغض بيننا حبيبتي شو تسوين لما انسانه تكرهك او تسئ الضن فيك بدون سبب وسواء كلمتيها او حلفتي لها ماراح تصدقك تخيلي انها تصدق خدامتها لو قالت لها شي عني ولما احلف لها واجيب الخدامه تنكر اللي قالته ومع ذالك تطلعني كذابه والخدامه هي الصادقه !!!!!!!!!!!! تخيلي عاد لما تكون خدامه ماكملت لها سنه في البيت لها كلمه وصادقه وانتي اللي عشرت سنين معاها كذابه !!!!!!!!!!!!! شو راح يكون موقفك ؟؟؟؟
والله اختي مو مقصره معاها ولا زوجي يصرف عليها وعلى اخوانه ولا يعطيني حتى درهم في ايدي لي او حق بناتي وساكته وصابره وكل ماحسيت بضيق وشكيت يقولي شسوي اقطع عنهم المصروف اقوله مستحيل اخليك تسوي هالشي بس انا بعد تعبت وامه مب محتاجه عندها اللي عندي واكثر وفي الفتره الاخيره قلل المصروف عنها ومن ذاك اليوم بدت المشاكل مع ان صار لنا اكثر عن ست سنين واحنا مانقصر معاها بس هالسنه صارت علينا ديون وايد ومصاريف وتعبت بعت كل ذهبي عشان اسد حاجتي وحاجت عيالي وهي تدري وحتى لما لمحت لها عن حاجتي للفلوس قالت ماعندي وهي من فتره بسيطه مسلفه وحده من الاهل وعندها الالاف في البيت وانا ادري لانها ساعات تقولي لما تكون رايقه او تبغي تتمدح قدامي !!!