شسوي مع اهل زوجي ؟

السلام عليكم
قلبي يعورني من اهل زوجي
في البداية كانوا كويسين بس مو مرة يعني
لكن بعدين مدري وش صار لهم
اولا كان في 2 من اخوات زوجي دايم يطنشوني في الجمعات ويعاملوني بطريقة فيها نوع من الاستحقار بس على خفيف
يعني ما يناظروني يوم اتكلم ، واذا كلمتهم ما يناظروني
واحيانا لما اجي عندهم يعملون انهم معصبين وللأسف يعصبون على امهم
المهم انا كنت احسب طبعهم كذا ، بس ذيك الايام كانت خالتي ممتازة معاي مو مثلهم
بعدين مرت الايام وتعدلوا معاي هذول البنتين <<< علما انهم متزوجات
ثم رجعوا لطبعهم الاول بس اشد صراحة من اول
يعني صاروا يدقون في الكلام بشكل واضح
وانا اول ما تزوجت كنت ساكنة في بيت مستقل بعدين انتقلت للسكن لظروف زوجي المادية صارلي الحين 8 اشهر عندهم
خالتي كانت مبسوطة وكذلك اخواته ما شفت منهم رفض
بس بعدين بدأوا يدقون بالكلام انه حنا ما نبيك في بيتنا وشوي شوي صاروا يبغوني ادخل وراعينهم شقتي غصب ولو تكلمت معلمين الوراعين يقولون لي مو بيتك
ولما هاوشتهم قالوا لا تحطين راسك براس البزارين ، والبزارين صاروا بس يقولون لي مو بيتك وهم شايفين الوضع عادي يعني زي قولة هم صادقين هذا مو بيتك
زين يعني يدخلون شقتي غصب ؟؟

والحين خالتي متغيرة علي حيــــــــل مو مثل اول
يبدو انه بناتها حرشوها
صرت لما اطلع عندها تعاملني ببرود وتقدم القهوة باردة
مثلا بنتي تشبهلي حيــــــــــــــل والله كل من شافها قال نسخة منك ، راحت خالتي وبناتها اللي يكروهني يقولون لا ما تشبلك بل تشبه عماتها الاثنين اللي يكرهوني هههههههه يعني احس المسألة عند ، اضحك والله وانا زعلانة بنفس الوقت
كمان هم لهم حديقة بالحوش حقهم وعاملين لها باب يقفلونه بالبارتشن
لما انا اطلع مشوار مع زوجي على طول يحطون البارتشن بمجرد ما امر <<< مدري وش معنى الحركة ذي عجزت افهمها اللي فهمتها تقولي :(

شسوي بنات احس اني مخنوقة خاصة في وحدة من سلفاتي احسها تكرهني حيـــــــــــل من يوم شفتها اول مرة مب طايقتني <<< حطوا تحت اول مرة خطوط عريضة
والحين هي مررررة فرحانه باللي صاير بيني وبين اهل زوجي

مرات افكر اقول سلفتي ليش تكرهني ؟؟ وش سويت لها ؟؟؟ ويهديني تفكيري انهم هم السبب ، ممكن كانوا من زمان يتكلمون فيني حتى كرهتني ،، لأن مو معقوله تكرهني من الباب للطاقة ومن اول مرة اكيد في سبب صح ولا لأ


وخالتي بس تبيني مسنترة عندها يوميا تقولي شوفي كيف سلفاتك يزورنا كثير وانت ما نشوفك الا بالقطارة << قالتها كذا بالحرف
كان ودي اقولها زين اجيكم ما عندي مشكلة بس تحترموني مو تعاملوني كذا ، اللي يرقع بالكلام واللي يعمل نفسه معصب ووراعينهم يتطاوولون علي بالكلام ويراكضون ويتعمدون يرفزوني برجولهم وهم يناظرون عادي ما كأن صاير شي، علما انه عدم احترامهم لي يتعمدون يظهرونه للحريم ، يعني لما يكون في جمعة حريم يعاملوني كني ولا شي ويسكتوني
يعني مثلا مرة اخت زوجي كانت تتكلم في موضوع انا ما اعرفه فسألتها راحت قالت قدام الحريم : مو بلازم تعرفين ،،، تخيلوا ؟؟؟ انا صرت بعدها ما اسالها ابد
وفي مواقف كثيرة يطول ذكرها

بس شسوي بنات جد مخنوقة ، ومن يوم سكنت عندهم و زوجي يحلم انه فيه قرود ونمور تهاجمني وهو يحاول يبعدهم عني


لا تتركوني بنات ساعدوني شسوي ؟؟