شسوي مليت من مراجعة الطبيب

السلام عليكم ..

انا معاي رقعة بالقلب .. مو طوال اليوم ..

لكنها موجوده معاي بشكل مستمر.. وأحيانا تييني قوية ..

يعني مثلا 6 مرات متتالية لدرجة ان مرات آخذ نفس عميييييق علشان أرتاح ..

وأيضاً لما أبذل جهد متعب شوي تيني بعدها ..

أو لما أخترع من شي ايضا تييني الرقعة ..


وبعد مراجعتي من طبيب لي طبيب .. وعمل الفحوصات .. والأشعة .. والتحاليل .. والتخطيطات للقلب..

قالو لي ان ضربات القلب مرتفعة ..

واصرفولي حبوب لتخفيض ضربات القلب المرتفعة ..

ومعاها بدت تروح هذي الرقعة .. لكنها ما اختفت نهائياً ..

وقالت لي الطبيبة قبل لا تنتهي الحبوب راجعيني اصرفلج غيرهم ..

واستمريت على هالشي يمكن لمدة 4 أشهر وزود..

وايضاً قالت لي لا تقطعين الحبوب هاذي فجأة .. لازم بأمر مني..

وأيضاً قالت اذا حسيتي بضيقة مو نفسية لا ضيقة من استخدام هالدواء قوليلي.. لكن هالشي ما حصل..

لكن آخر مره انتهت الحبوب صار عندي ظرف وما راجعت الطبيبة..

وقطعتها من غير لا أقول لها .. وصراحة مليت من هالشي ..

ومليت من مراجعة الأطبة ... شنو تشورون علي فيه ؟؟

لأن الشغلة هذي بدت ترجعلي مره ثانية .. وبصراحة هالشي يخرّع لانه بالقلب