رجعت لكم من جديد ومع عمل جديدان شاء الله تستفيدون منه كلكم
بعد موضوع الرفوف وشكرا جزيلا لكل اللي اسعدوني بردودهم واللي دعوا لي
كان عندنا كمبيوتر مكتبي
قديم وخربان ما نستخدمه فاخذت شاشته الخارجيه وحفظتها معاي قلت يمكن استخدمها في يوم من الايام وفعلا جا يوم جت لي فكره اسوي منها لوحه اعلقها وفعلا اشتريت الادوات وبدأت العمل والادوات هي
لوحة زجاج اي زجاجه عندك ما تحتاجينها انا اخذت زجاجة كمبيوترنا القديم الخربان
الوان زجاج
ورقه فيها رسمه اي رسمه تحبينها ممكن تآخذين من النت الرسمه اللي تعجبك وتطبعينها
علشان نضعها تحت الزجاج ونبدا نشفها وهذي الرسمه اللي اخترتها
وزياده انا استخدمت لمعة مكياج عندي قديمه وما ابيها
وهذا شكلها ممكن تستخدمين اي لمعه
وبدأت ارسم الصوره اللي اخترتها على الزجاج بالفرشاه فرشات الالوان المائيه
طبعا الاطار انا صراحه احب استغل اي شي عندي ما عاد احتاجه فيه مناكير اسلاميه عندي ما ابيها لونت فيها الاطار لان المناكير الاسلاميه مثل الوان الزجاج تقريبا وانا جربت الوان الزجاج على يدي طلعت روعه نفس المناكير الاسلاميه وتتقشر بعد
وجبت ورق مقوى ابيض ولصقته خلف الزجاج (خلفيه ورى الصوره )
وهذا شكلها النهائي
لاحظو اللمعه حطيتها في وسط الورد اللمعه لونها ذهبي
وهذي الكرستالات حطيتها على جنب
كيف حطيت اللمعه بعد ما خلصت الرسم وخليتها تجف
جبت الوان الزجاج وحطيت اللون المناسب الي ابغاه في المكان اللي ابي احط فيه اللمعه حطيته انا في وسط الورده
وقبل ما ينشف اللون انثر فوقها اللمعه واخليها تنشف وبعدها انظف اللمعه اللي تناثرت
وسلامتكم
وابي رايكم ترى والله تعبت وانا انزل الموضوع
