ازيكم يا جماعه يارب تكونوا تمام وبخير
المهم بقي انا لسه صاحيه من النوم وكنت امبارح مجربه وصفه جامده بقالي اسبوعين بستخدمها يعني دي تاني مره
وحاسه بتحسن فظييييييييييع جدا الحمد لله في شعري اللي كان مقصف جدااااااااا
وانا من النوع اللي بزهق من كتر الوصفات ومبستمرش علي حاجه ابدا منهم عشان بتلخبط
رحت من شهر عند الكوافيره عشان اعمل فرد لشعري واستريح مرضيتش قالتلي حرام عليكي فتله شعرك ناعمه متبوظيهاش انا قلتلها امال ايه الهيشان والتقصف واشعه الشمس الللي بتطلع دي
قالتلي انتي محتاجه تهتمي بشعرك بس شويه
وعملتلي حمام نخاع لشعري في نص ساعه
المفروض ان انا كنت اكمل الكورس4 مرات بس بصراحه استخسرت كل مره ادفع
فقعدت علي النت وسألت عمو جوجل علي حمام النخاع وطبعا عطاني وصفات اختارت منهم واحده وعملتها بعد ماروحت عند العطار جبت زيت نخاع عشان مليش خلق اقعد استخرج النخاع وكده
..وبعد ما حطيتها علي شعري اول مره غسلتها بعد ساعه الا ربع لان ريحه النخاع كانت بشعه بصراحه ومع ذلك كنت حاسه بفرق في شعري ان الهيشان خف الحمد لله
فقررت ان انا اعملها تاني بس ضفت علي الخلطه حاجه من عند العطار اسمها اسنس ورد فخلت النخاع ريحته ورد وبكده المشكله اتحلت الحمد لله
وسبته كتير المره دي وبعدين غسلته بالليل ونمت من غير ما الفه ولا حاجه بس سرحته
وطبعا كلنا عارفين اول ما بنصحي من النوم شعورنا بتبقي عامله ازاي
بس الحمد لله اول ما صحيت اتفاجئت شعري مش هايش خااااااااالص ماعدا القصه بس نزلت من التوكهفقلت لازم افرح خواتي وافيدهم بالوصفه وافرح الناس اللي تعبوا معايا يدوني وصفات وانا اكسل
وباذن الله انا هستمر عليها ومش هكسل وعشان متلخبطش بين الوصفات اسيبكم مع الموضوع اللي انا قريته وربنا يجازي صاحبته خييير
لحد هنا مش منقول
اما اللي جاي فمنقووول
طريقة عمل حمام النخاع للشعر
باذن الله انهرده حاكلم عن موضوع النخاع للشعر
لاني لاحظت اتكرر السؤال كذا مرة
فقولت بدل ما اجاوب بمشاركة اضعه في موضوع افضل لسهولة الوصول إليه
يا رب يكون الشرح وافي
أولاً: إحضار النخاع
إما بتشتري النخاع جاهز من عند الجزار أو بتجيبي العضم جواه النخاع برضه من عند الجزار
(إستخراج النخاع من العضم)
لو النخاع في العضم/ بتسخني الفرن تحميه وبعدين تهدي النار خالص
تحطي العضم في صينية وبعدين 5 دقايق تخلي النارمتوسطة بس اقل من المتوسط شوية
اول ما تلاقي العضم بقى لونها زي الرمادي كده او نشفت ونزلت منها زيت النخاع طلعيه من الفرن
اخبطي العضمة خبط خفيف في الصينية بحيث تدقيه عشان تنزلي منه النخاع
لو النخاع منزلش كله يبقىمحتاج يرجع تاني للفرن
شيلي الزيت والنخاع من الصينية ورجعي العضم تاني في الفرن لحد ما النخاع ترجعي تخبطيه تاني ينزل من العضم من جوه.
تمام دي طريقة استخراجه من العضم
ثانياً: تهيئة النخاع
سواء كان النخاع اشتريتيه طبعا من الجزار جاهز او استخرجتيه من العضم في البيت بنفسك
تتبعي الطريقة التالية
بتحطي النخاع على حمام بخار لحد ما النخاع يسيح خااالص والزيت ينزل منه.
بتشيلي النخاع في برطمان هو والزيت اللي ينزل منه مترميش حاجة.
ثالثاً: الخلطة
بالنسبة للشعر الدهني او العادي بتستعملي معلقة كبيرة
وبالنسبة للشعر الجاف بتستعملي ملعقتين كبار
النسبة دي انا قريتها،،، لكن قرأت مرة لكورس لدينا الجازم مأكتبش فيه بصراحة المعايير دي
على العموم هي الفكرة بس ان الشعر الدهني حيبقى مليان دهون اوي وحتتعب صاحبة الشعر الدهني اوووووي في غسله
فهي تحاول تعمل كمية مناسبة عشان تقلل من نسبة الدهون دي
كمية النخاع المطلوبة
+
ملعقة كبيرة عسل نحل
+
زيت عطري أو اي زيت انتي تستعمليه وقريت انه ممكن زيت درة
+
(بالنسبة للشعر الجاف )
صفار بيضة
رابعاً: الطريقة
تخلط كل المكونات دي كويس ويدهني بيها اولا فروة الراس والباقي تحاولي توزعيه بالتساوي على باقي الشعر
مش لازم كل الشعر يتغطى بيه اهم حاجة الفروة ولو تحاولي تراعي الاطراف شوية
تعملي حمام بخار للشعر بحيث تحطي فوطة سخنة على الشعر كرريها اكتر من مرة
وبعدين غطي الشعر ببونيه بلاستيك للحفاظ على السخونية وتفتيح المسامات
وتعمليه وتنامي بيه،، او يترك على الشعر لمدة من 4 إلى 6 ساعات
تزال الدهون بالماء أكثر من مرة ثم يغسل الشعر بالشامبو المستخدم لديكي
ودي خطوة ضرورية تضيفي 1 ملعقة خل التفاح إلى لتر ماء دافئ ويشطف به الشعر
ويعمل غسول للشعر مكون من
(50 جم عشب زعتر ناشف + 750 جم ماء)
يغلى الماء ويصب على العشب ثم يصفى ويشطف بيه الشعر في اخر غسلة
ويعمل حمام النخاع ده مرة في الاسبوع
وبإذن الله حتلاقي تحسن ملحوظ في الشعر خلال شهر بالضبط
يعني بعد اربع مرات بإذن الرحمن
وأهم حاجة التسمية (بأسم الله الشافي المعافي) يا بنات قبل أي حاجة
ملتوووش مرره عجبني وحسسيته مفــيد قلت يمكن يفــيدكم واحتماال اجربه اللي سســمعت اوققرأت تفــيدنا وأدعوولي بالهداايه
سسي يوو