ششو الحل

السلام عليكم ورحمه الله وبركاته


بنات انا بفضل الله توظفت ( الحمدلله ) حطوني في مكان جديد علي يعني بكتسب خبره جديده وفرحانه بهالشي ,, الموظفين اللي معاي من جنسيات مختلفه والبعض مب الكل اول ماتوظفت يسالوني كم معاشي وشوو رتبج هذي ف البدايه ,, وبعدين طبعا المكان جديد علي واشياء جديده علي لو عندي شي اسال واتاكد عقب اسوي الشغل مابي اخطي واييب مشاكل , لكن البنات اللي معاي احس ساعات انهم مايحبوني لاني اذا باجر صرت خبره ف الشغل ( المستقبل ) عادي يرقوني ويخلوني انا رئيستهم
لاني بنت الدوله ف ساعات احسهم يقطون نغزات اي انتي اول ما توظفتي رتبتج اعلى من رتبنا ومعاشج بعد ف ساعات ابي ارد عليهم بس اسكت ,,, وصح يساعدوني واتعلم بس ساعات احس نفسي مضغوطه ودايم افكر اذا سويت شغلي صح ولا غلط و لو اجازه و ف البيت افكر بالشغل انا ( مابيييييي افكر بالشغغل يوم ينتهي دوامي ) واحس مايجني نوم كله من التفكير ... وحتى افكر بباجر شو بصير ومنو المداوم وياي لاني البعض الصراحه احسهم صدق صدق يالسه على قلبهم بس وما ارتاح لهم

تخيلووو مره خلصت الشغل وانا راجعه للبيت ذبحني التفكير اذا سويت الشغغل صح ولالا ... وماقدرت ارتاح رجعت مكان الشغل هم استغربوا مني ليش رجعت قلتلهم انا ناسيه تلفوني بس انا ما كنت ناسيه التلفون بس حبيت اطمن من شغله سويتها صح ولالا وعقب طلعت

وساعات اطفر من كلامهم ابي ارد عليهم برد حلووو وبنفس الوقت يسكتون عني

وحتى يات وحده جديده وصار لها كم من يوم ما ارتاحت لهم وقالتلي الله يعينج عليهم .. والله انا ابي اتعلم ولا ما كنت افكر بالمعاش وانه رتببتي اعلى من رتبتهم .. ماعليه احس كلامي ملخبط شووي :(

ومره وحده منهم حذرتني قالتلي يا فلانه خلج حذره وسوي شغلج ولوماعرفتي سالي وماعليج من مشاكلهم ولاتسكتين عن حقج لو شفتيهم ياكلون حقج المشكله انا ما اعرف ارد لو رديت احس كلامي فيه رجفه مبين انه فيني خوف


مادري ششو الحل هل المشكله فيني ولا ف الشغل ولا اللي معاي بالشغل