شطحاتكم بالسلطات - لذة نعمة الخالق في صحن واحد فالحمد الله دائما -

السلام عليكم جميعا
طبعا الموضوع باين من عنوانه نبي افكاركم الغريبه بالسلطات نبيها خفيفه ولذيذه وغريبه مانبي خلطة الزبادي والمايونيز وابجبن والطحينه او الصوصات الجاهزه مانبي طبقات خضار مقليه( احسها طبق رئيسي مو سلطه مع انو انا ادمان عليها )
مانبي شي تقليدي سلطه خضرا او تبوله او فتوش
ابي غير
بعد ماجربت سلطة الجرجير بالرمان حبيتها واعجبني طعم الفاكهه مع الخضار صرت احط فواكه مع خضار وكل مره تطلع شي لذيييذ
الحين بقولكم ايش سويت
السلطه 1- حزمة سبانخ تقطعينها + شرائح فراوله + برتقال مقطع صغير + شوي فجل ابيض مبشور == الطعم حكايه حامض حار
السلطه 2- تفاح مبشور خشن + خس شرائح رفيعه + شمندر شرائح خشنه == الطعم حلو على حامض غريب
السلطه 3- خس رفيع + أناناس مقطع + جبن كرافت مقطه مكعبات == غرييييب ولذيذ

وعاد ذي سلطاتي المفضله بس تقليديه
1-سلطه عاديه مخلوط معها تونه - عشق
2-جبن كرافت مربعات + طماط صغير +خيار مقطع صغير+ انواع زيتون + عصرة ليمون وشوي زيت زيتون -- جميله جدا
3-لعشاق الحامض-- زيتون اخضر حامض مقطع شرائح صغيره +خيار مبشور + جزر مبشور

عاد الحين اتحفونا باغرب سلاطاتكم بشرط تكون خفيفه ومافيها خلطات كثيره
وبالاخر الحمدالله على نعمه حمد كثيرا