شعبيات ...

هلا اختي

والله ماعندي ايه فكره

ان شاء الله غيري يفيدك

عندك طيبه وعويس
شعبي بشعبي
ملابس واواني قديمه

وعندك البطحاء اذا كنت تعرفينها
بس ما قلتيلي انتى من الرياض

نفوذ
مشكوره على الرد ..
بنت المماليح
انا اعرف وين القى الاغراض الشعبيه بس .. ابي افكار ..في طريقة التقديم .. واللبس والمكان الي فيه المعازيم ..
الله يعطيك العافيه ..:26:

السلام عليكم

ممكن أختي تستخدمين الشماغ الأحمر في التزين ، والأقمشة الموردة (( ماأدري وش تسمى ))

وتحط بشكل عشوائي مطبقياات ، أو ممكن صناديق خشب قديمة

الطاولات خلي الأقمشة القديمة عليها كأنها مفااارش ، ولا تنسين مراااااوح اليد الخوص

والسفر و المسااابح الخشب بعد ، وممكن تعلقينها على الجدراااااااان

وأهم شيء البسط والمساند التراثيه

ممكن تسوين هدايا للحريم الكباااااار

تجيبين مطبقياااات صغاااااااار وتحطين داخلها تعرفين الليف الطبيعي (( من النخل)) وحطي لهن على ربع تولة دهن عود وكم كسررة بخور ........... وسلامتك

بالنسبه للتقديم روحي ركن القصيم ووتمور الصالحيه عندهم شعبيات وطريقة صفهم حلوه على سدو وشالكي
يعني زي الكليجا والأقط(البقل) وقرص عمر
وأذا عندكم صبابات لبسوهم الشالكي مع شيال منيخل
روحي سوق الثميري إلي هو الديره وإلي سمونه بعد الذهب بتلقين عندهم كل شي شعبي ورخيص
وسوق وشيقر عند الحريم يبيعون كل شي خوص وشعبي ورخص التراب
والتمر أشتري منسف خوص وقطعي من سعف النخل وصفيه عليه ورشي على تمر السكري ربع سمسم وربع ساده وربع طحينه وربع فستق
وتمر الرطب خذي الخوص حقات الخرف خرف التمر جايه زي القدر وهي خوص
والأباريق الغضار للشاهي
وموفقه يالغاليه