شعر امرأة قالتها وهي مقهورة من زوجها
هذا شعر امرأة قالتها وهي مقهورة من زوجها وهو يهينها كل يوم وكل دقيقة واسمعوا شو قالت له؟
تبي دانة ؟؟
وأنا مثلك أبي رجال
يشد حبال ظهري اللي البخت خانه
تبي دانة ؟؟
شعرها ليل .. وعينٍ كنها الفنجال
وقَدٍ أَهْـيَـفٍ ميال
وأنا مثلك أبي رجال
قليل أقوال .. وإذا ينطق .. يقطِّـر حِكْمَةْ لسانه
أبيه فعال .. وأفعاله تتم بليل كتمانه
تبي دانة ؟؟
وأنا مثلك أبي رجال
ماهو بتمثال .. مكوَّن من شنب وعقال
وثوبٍ يسحب خلافه .. عِجز في كَـيَّـه الغسال
أبي رجال له مبدأ .. له أفكار تلخبطني
وضلعي المعوج لي مال .. يعرف شلون يضبطني
أبي رجال لا شفته تذكرت العظيم الله .. وذكرت النار والجنة
أبيه لي شاعر عذري .. له إحساس يغرقني
وهمٍ به يأرقني
شعور الشخصفي عينه ماهو شاطئ ولا هو رمال
ولا بزنس ولا هو رِيْـال
ولكنه . . .
هموم أمة وكيف نفوز بالقمة وكيف تربي الأجيال
نخلي بنتنا أنثى ونخلق في الولد رجال
تبي دانة ؟؟
وأنا مثلك أبي رجال
يشد حبال ظهري اللي البخت خانه
كثيرة بدنيتي الأزوال
قليلٍ بينهم رجال
قليلٍ بينهم رجال
مشكوووووووووووووووووره