مدام اغلب وقت عمك الله يشفيه نايم خلاص لاتسوين والقهوه كلها مضره كيف عاد المرضى اشتريله عصيرات طازجه  افيد
ترى الناس اذواق بالقهوه ممكن تعجبهم وممكن لا والله يشفي عمك يارب

جزاكن الله خيراً اخواتي ورزقكن من حيث لا تحتسبن...كل وحده ردت رد وأخلصت النيه فيه أسأل الله العظيم أن يعطيها على قد نيتها وأكثر


أختي منجو...أنتي رائعه بمعنى الكلمه حفظك الله ووفقك وسدد خطاك وجعل كل كلمه تكتبينها في هذا المنتدى بغية النصح والإرشاد خالصه لوجهه الكريم وان يسخر الله لك عبيده
ردك اثلج صدري لانك جاوبتيني على كل اسألتي ،واعطيتيني رأيك بعد قراءتك للموضوع قراءة شاملة ووافية،ولم تأخذي طرف الموضوع وتتركي أغلبه
شكراً من الأعماق


حبيت أوضح شغله أخواتي الحبيبات...لاحظت أن أغلبكن ركزن على القهوه التي قلت انها رجعت! طيب والباقي...باقي الموضوع؟؟ أينه من اجابتكن ورأيكن !
بالرغم من أني أوضحت أن القهوه عندما رجعت في المره الاولى والثانيه استبدلتها بحافظات كانت تروح مع زوجي وماترجع !
ولما رحت اسلم على عمي بالليل (قاصده بالليل علشان اشوف خالتي واسلم عليها) قدمت لي اخته من تمر هم جايبينه وتمري ومعمولي مركونين بزاويه ومبين كاملين زي ماهم (يعني مو مأخوذ منهم) !
اللي حبيت اقوله السالفة مو سالفة قهوه ولو على القهوه بس كان عادي لاني فعلا الناس اذواق بالقهوه! بس السالفه كذا شغله مع بعض تدل على شئ واحد للاسف كنت حاسه فيه واتاكدت منه من خلال ردودكم جزاكم الله خير...انهم مايبون شئ مني!


واللي تقول خلي زوجك يصب ويضيف...اقولها الشئ على التربية...زوجي ماتعود يصب ويقهوي وان كان يوم سالته اول مره جاب الترمز مليان قال صبيت وقدمت تمر ومعمول واخذوا على مره!
ثاني شئ زوجي بحكم طبيعة شغله يتردد كثير على ابوه لكن مايقدر يجلس عنده وقت طويل...يعني ممكن يشوفه 10 مرات باليوم كل مره 10-15 دقيقه...فماراح يقدر يقابل الصب لو بغى!


واللي تقول احسك حساسه...اي انا فعلا حساسه...اشتغلت على نفسي كثير واتغيرت للافضل ان شاءالله....بس بصراحه هالموقف جد حز بخاطري....مادري ليش!


وفقكن الله ...حسيت انكم جد خوات تنصحون من قلب ...

الموقف مافيه اي إهانة لك تعوذي من الشيطان
بخصوص القهوة يمكن اخذوا منها فنجال فنجالين
ويبون قهوتهم في ناس كذا مايمخمخون الا ع قهوتهم تكون ع مزاجهم كنكهة او من ناحية ثقيلة او خفيفة كلن وذوقه وشكل الترامس مو مهم اهم شي ان القهوة اللي فيها تعدل راسي 
عادي جدا تصرفهم مااغلطوا عليك غلط مباشر عشان تزعلين
والأكل اذا عمك الله يشفية تعبان لهالدرجة لاترسلين حرام يمكن يكب اذا هو مو قادر ياكل واللي يجونه اكيد ماأحد له نفس بالأكل عند مريض 
هذا رأيي 

من الاخر كذا انا راح اختصرها عليك اهل الزوج لو تطلعين عيونك بصحن وتزينين الصحن وتقدمينه لهم الا مايطلع موقف حالي او مستقبلي منهم يحز بالخاطر هي كذا سبحان الله
وحتى حنا يا زوجات الاولاد اكيد بيوم صدر منا مواقف تحز بخواطرهم
لذالك الدنيا دوارة يااختي واذا القصد من حركتهم الحقران الا ماترد لهم ولبناتهم صدقيني
حاليا كثر خيرك بس لو بمكانك والله ماعاد ارسل شي وابو زوجك اذا محتاج منك شي فهو محتاج الدعاء والصدقة بنية الشفاء
والبقية اقوا شيفون....تحياتي

طنشي وعيشي حياتك واحتسبي الاجر