السلام عليكم ورحمة الله وبركاته
شخباركم خواتي الحوائيات ..؟
حبيت اقولكم عن تجربتي صبغت شعري لون الكراميل شعري كان ناعم بعد الصبغ اخترب
وصار خشن واجد ومتقصف بشكل فضيع باهت ومتكسر وش اقول عنه ولا وش اخلي :44:
جاني احباط كل مارحت زواج وشفت شعور البنات الطويله لدرجه ماما تقول لي انتي شعرج كل
ماله يقصر بس في نص شهر رمضان جاتني الهمه وقلت لازم اسوي لوك جديد للعيد وادلع بشعري :27:
ادوات العنايه ..
1- زيت جدايل لتكثيف واللي ضد التساقط وفي ضد القشره خلطتهم مع بعض وحطيت 5
كبسولات فيتامين اي ..
2- كريم باراشوت بنات هذا اهم شي هو اللي عليه الاعتماد في العنايه مهم جدا جدا فالترطيب
والنعومه وعلاج التقصف انا خذيت اللي بالترطيب الاضافي وخلط معه اللي العنايه الخماسيه ..
3- الشامبو الاحمر الاصلي الخالي تماما من المواد الكميائيه واذا مافيه شامبو جونسون بس
انا افضل الاحمر ..
4- حمام زيت دابر خلطت اللي للشعر الباهت مع اللي بالعسل ..
الطريقه ..
بحكم ظروف شغلي كنت ارجع الساعه 2 من الدوام اول مارجع
كنت احط اول شي الكريم لانه فيه ماده ضد الماي اسمها اكواشيد لان ماي قطر معروف يقطع الشعر
وبعدها احط الزيت بشعري اخليه مابين 2 الى 7 ساعات بالكثير واغسل شعري بالشامبو الاحمر
انتبهي اول شي اغسلي شعرج بالماي وبعدها اخذي طاسه صغيره حطي فيها شوي شامبو واخلطيه
بالماي وبعدها غسلي شعرج افركيه بشويش يعني نظفيه بالشامبو مرتين واخر شي اخذي حمام الزيت
اللي خاطتيهم مع بعض وحطي بشعرج وبعدها تفرغي حق جسمج عالاقل خليه يشعرج لو عشر دقايق
وغسليه بتشوفين ان شعرج صاير ناعم وفيه حياة اي بنات اهم شي يكون الماي بارد لان الماي الحار
ضرر للشعر بعد ماتطلعين تاكدي ان شعرج نشف تماما من الماي خذي شوي من نفس الكريم
وحطيه شوي بس عشان تسرحين فيه شعرج يفضل تلفينه كعكه في فترة العنايه لانها تلم الشعر وتهبطه
لاتقولين لي ريحته مو حلوه وخربطه ريحته مقبوله وانتي بعد ماتتسرحين شعرج بخريه بالعود واي دخون تحبيه
قبل ماتلفيه انا عن نفسي 15 يوم قعدت على هذي الحاله وفي ليلة العيد رحت الصالون واستشورته
طال شعري وكثر وصار فيه حياة ماقول ان وصل لين ركبتي بس عن جد نتيجه حلوه بشكل لدرجه ماما تقولي
انتي حاطه وصله ولا شي قلت لها لا شعري والكل والله يسالني انتي شنو مسويه في شعرج بس فالعيد انقطعت وناويه ارجع للعنايه من اول وجديد حق عرس بنت عمي
وعيد الاضحى يعني اظبط نفسي ان شاء الله :35:
بنات اللي تجرب العنايه وتنفع معاها ابي منها دعوة حلوه تكفون ولاحضوا كلها زيوت وشغلات بعيده
عن الكميائيات والخرابيط هذي زي السيروط والكرتين وطقته هي اللي تطيح الشعر نصيحه من اختكم ابتعدوا عنها ..
اي سؤال او استفسار انا حاضره واذا تبون الصور ابشروا بحطها لعيونكم
..MEERA.. @meera_5
عضوة جديدة
يلزم عليك تسجيل الدخول أولًا لكتابة تعليق.
احاسيس الحب
•
جزاك الله خييييييييييييير
جزاك الله خيييييييييييييرجزاك الله خييييييييييييير
ويجزيج مثله حبيبتي .. هلا ومرحبا
خيتو ساره ان شاء الله تنفع معاج يارب وتوصلين للنتيجه المطلوبه غلاتي ..
خيتو ساره ان شاء الله تنفع معاج يارب وتوصلين للنتيجه المطلوبه غلاتي ..
الصفحة الأخيرة