السلام عليكم
كيفكم بنات ؟ ان شاء الله كويسات
اخيييييييييييراً جبت لكم الحل لتلف الشعر وتشابكه وتكسره
انا طبعا كنت اصبغ وشعري يبهت وينشف
شعري ناعم وخفيف وسار اطرافو مرررا ناشفه واحيانا لو مامشطته يوم كامل يسير من فوق ناعم والاطراف تتشابك وما تتفكك الا بحمام زيت
طبعا ماخليت شي ماجربته وكله مؤقت او ماينفع
لييين شفت بنت كنت اعرفها من زمااان شعرها ناعم بس كيرلي ولمن شفتها كان نااااعم بشكل ماتتخيلوه ماشاء الله ويلمع
قلت لها شو نوع السيراميك تبعك قالت ما استخدمه قلت لها وي شعرك مو كان كيرلي شو عملتي لو
قالت استخدم زيت سانسيلك الاورنج انا بصراحة ماصدقتها قلت تاكل بعقلي حلاوة
ونسيت كلامها وبعدها بكم شهر وانا في السوبر ماركت مكان مستلزمات الشعر شفته وقلت حاخدو
واخدتو واستخدمتو اول مرا مانفع ولا كاني سويت شي
واستخدمته تاني مرا ماتتخيلو الاطراف كلللها سارت تلمع واحس شعري ثقيل عكس اول خفييف ويتكسر
ماشاء الله تبارك الله
وانا يابنات شعري اشقر فاااتح ماغمق ولا شي دحين رابع مرا استخدمو تقريبا او تالت مرا
انا اخليه ساعتين بشعري واغسله بشوية شامبو او بس مويه لانو يطلع مايقعد بالشعر
طريقة الاستخدام
اذا شعرك طويل ونافش اغسليه ونشفيه نص نص وحطي الزيت ومشطيه كاامل وبعد ماتمشطيه دلكي فروة راسك بحركة دائرية
واذا شعرك ناعم بس باهت ومقصف عادي مشطيه وحطي الزيت وسوي نفس الحركة الدائرية لمدة خمس دقايق او اربع دقايق وبعدها لفيه بمنشفه مش بأي شيء ثاني
ملاحظة / انا شعري ناعم واهلي كمان يعني وراثياً والجفاف والتقصف جا من الصبغة والزيت يغذيه ويرجع مثل ماكان فاللي شعرها مثلي واخترب بيصلح من الزيت واللي شعرها جعد وحابة تستخدمه انا ما اضمن لك نتيجة لانو شعرك هو كذا ممكن الزيت يغذيه لكن يرطبة وينعمة مااظن فلاتدعين عليا
Elina =) @elina_1
عضوة فعالة
شعرك تالف ؟ شعرك مقصف ؟ شعرك باهت ؟ شعرك مافيه حيوية ؟ شعرك محترق من المواد الكيماوية
11
6K
يلزم عليك تسجيل الدخول أولًا لكتابة تعليق.
الصفحة الأخيرة
بس ان شاء الله بجرربه