حبيباتي حبيت افيد البنات العجازات
يعني إلي تحب تجمع خلطات لكن ماتسويها
ولا تحب تجلس بساعات وعلى شعرها اقنعه وخرابيط
اطول ماسك لشعر عندي تجلسين فيه ساعه
واسرار الصحه والجمال السريعه بالشعر مهما كانت خامة شعرك
حبيبتي صاحبة الشعر المنهري والتعبان
ضروري تعرفين ان شعرك تاج جمالك لا تتلفينه وقللي سيشوار حرق بالمكوى السيرميك
وإذا اضطريتي دلعيه وعوضيه
خطوات بسيطه تعمليها لشعرك
وسهله
طريقة تبداء وتنتهي بالحمام ::
يعني مايحتاج
تدورين بالبيت وتخيسين العالم وتوصخين ملابسك والوسايد والكنبات
حطي مجموعة الزيوت إلي تناسبك بعلبه بلاستك او سله مع البلاستيكات حقت الشعر :38:
وكل مره ناويه تتصنفري وتتفركي بالحمام حطي مجموعة الزيوت او زيت واحد من إلي ترتاحين له
على شعرك واحرصي تدلكين فروة راسك فيها وتغطين اطراف شعرك
وبعدها بللي منشفه كبيره بمويه دافية جداً ولفيها على راسك
والله الله بتفريك والتلميع لنفسك
------
وقناع ثاني يرجع لشعرك الحيويه ويريحه من العذاب والنشفان والتكسر
هو قناع الزبادي والعسل وقطرات بسيطه من زيت الحبه السوداء الأصلي وانا اشتريه من بن منقاش
قناع الزبادي مع بيضه
والزبادي الزبادي الزبااادي مع اي زيت مناسب لك
وهذا تحطينه بدون منشف وقتها تكونين ناويه تتفركين وتتصنفرين بالحمام وبعد ماتخلصين غسلي شعرك ....
واطلعي
إذا عندك قشره او ريحه لفروة راسك مش محببه
ملعقة خل تفاح مع ماء معدني وأفركي فيها فروة الراس فقط
خمس دقايق واشطفيه
----
سر خطير ومجرب ومضمون لشعر صحي ومريح وبسرعه إذا عندك مناسبه
منتجات بانتين ما اتوقع راح تخذلك لانها قويه وفعاله
بديل الزيت
له كم طريقه حلوه
اول وحده بعد ماتخلصين غاسله شعرك حطي بكفت يدك كميه مناسبه ووزعيها على شعرك بدون ماتجين على فروت رااسك
*
ضرووري تنتبهين لانك لو عرضتي شعرك للكوندشينر والبديلات
الكيماويه راح يتعب ويتساقط
وشعرك ماراح يضره اهم شيء الفروه
وبعد ماتوزعينه تنتطرين كم دقيقه وبعدها تشطفينه بالمويه بس السر هنا
لا تشطفينه مره اشطفيه بسرعه بدون ماتفركينه وتتخلصين من البقايا المتعلقه بشعرك
راح تفرقين شعرك كثثثثثثثثثثير وتلاحظين الفرق بسرعه البرق
وهذي الطريقه تستخدم مع البلسم بعد بس ضروري مايلمس فروت راسك
--------------
نصايح ع الماشي
لا لا لا لا لا لا للماء الساخن في غسل الشعر ماراح تكسبين إلا تساقط وتعب فروة الرأس وزياده في إفرازات الدهون
لالالالالالالالا تمشطين شعرك وهو رطب إذا ماتقدرين مشطي شعرك تحت الدش
خلي شعرك ينشف من نفسه لالالا تنشفينه بهواء السيشوار
لالالالالا وهذي مهمه تتركين الزيت أو القناع اكثر من ساعتين
لانك تخنقين فروة راسك
لا تسوين حمامات زيت وراء بعض وخاصه إذا بتلامس فروتك
او تسوينها ايام متتاليه ..
إذا شعرك كيرلي
استخدمي بانتين بديل الزيت او البلسم وبعدها امسكي شعرك بكلبسه وهو رطب وخليه ينشف على رواق
وشوفي شكله كيف راح يطلع
إذا انتي شعرك منتفش وماله شكل
استخدمي بانتين بديل الزيت او البلسم ولا تشطفينه مره اشطفيه نص ونص ولا تفككينه بعد ماتطلعين من الشور بس لفيه بفوطه وشوفي شكله كيف راح يصير
إذا إنتي شعرك ناعم جداً
لا تستخدمين بلسم او بديل زيت راح تقلل من حجم شعرك
إذا إنتي شعرك خشن
اخلطي بديل الزيت + البلسم مع بعض وغطي فيهم شعرك وكثري الكميه وخليها فتره اطول
بعدها اشطفي شعرك نص نص وشوفي كيف يطلع مع السيشوار
وهذا انا وصحباتي وبنات خالاتي نستخدمها بعد استخدم مجموعه كبيره من الماركات والمنتجات
أستقرينا على بانتين على ختلاف نوعيات الشعر
ايه صح انا افضل استخدم قليل من زيت خروع مع الزبادي او زيت السمسم
وكثير استخدم زيت برشوت مره مفيد وبسرعه يروح من الشعر
وإذا عامله لشعرك هاي لايت او بلياج يعني سبحب لون
مالك إلا شي من اثنين
شعرتك ماتت يعني يا تقصينها
ياتصبغينها دراجات البني وصبغه بالبيت علشان ما تزيدين الطين بالله وتهرينها زياده
ولأن اللون البني يخفي تعب الشعر ويعطي لشعرك صحه ورونق
وسلامتكم أتمنى الموضوع ينفع مايضر
وما ابي منكم إلا الدعاء لي بالهدايه ولمن احب والتوفيق
استفدت مرررره
وعجبني توقيعك صادق في كل حرف..