مساء/صباح الخير للجميع
انا جديده في المنتدى وهذا اول موضوع لي واعذروني على التقصير تخبرون عليميه :hahaha:
طبعا استفدت منكم كثير الله يجزاكم خير ويجعلها في ميزان حسناتكم دنيا وأخره ويفرج لكم يارب
اللي بعطيكم اياه يابنات الحين خلطاتي من سنين شي من صديقاتي وشي من المنتديات وشي من المجلات يعني انا ما انسبها لنفسي لا والله الله يعلم انها من بنات حلال كثار بس من؟؟ والله ناسيه :unsure:
واللي تستفيد منهم ياليت تدعيلي ان الله يرزقني ويفرج همي ..
بسم الله نبدأ:
طبعا خلطاتي كلها للشعر الجاف
الخلطه الاولى :
موزتين ناضجات مره يعني قشرهم اسود ((الموز بس مو تحطين معهم القشر))
علبه زبادي
ملعقتين مايونيز
ملعقه خل
تخلطينهم في الخلاط وتحطينهم على شعرك المبلول وتخلينهم لحد ماينشف شعرك بعدها تغسلينهم بالشامبو
النتيجه طبعا نعومه ولمعان غير طبيعي وهذي خلطتي في المناسبات الكبار والاعياد .
الخلطه الثانيه :
ملعقه زبادي
ملعقه مايونيز
ملعقه حبه سمراء مطحونه
تخلطينهم وتحطينهم على شعرك وتغلفينهم ببلاستيك او القبعه البلاستيك وتخلينهم ساعتين بعدين تغسلينهم بالشامبو
والله العظيم يابنات ان كل من اعطيته هالخلطه قام يدعي لي يعني مفعولها من اول مره وتصلح للشعر التالف اللي رايح فيها .. واذا كان شعرك كثير او طويل ماعليش ضاعفي الكميه بس كلهم بمقادير متساويه .
الخلطه الثالثه:
كوب ماء
ملعقتين عسل
تخلطينهم لحد مايذوب العسل وتغسلين فيهم شعرك وتمشطينه وخليه لحد ماينشف وغسليه بماء ولا شامبو عادي
هالخلطه تسهل عليك الاستشوار يعني تنعم شعرك وتخليه يلمع .
الخلطه الرابعه :
علبه زيت زيتون العاديه اللي في السوبر ماركت (او كوبين زيت زيتون)
راس ثوم
علبتين زيت كيشور الهندي
تفرغين الزيت بعلبه واسعه والثوم تفككينه بس من دون تقشير ولا شي وتدقينهم دقه وحده بس كل فص دقه وحده ماهو تجيبين كل حيلك :024:
وتحطين الثوم على الزيت وتسكرين العلبه وتخلينهم عشر ايام في مكان ماتجيه الشمس بعدها تصفين الزيت يعني نبي الزيت بس من دون قشور ولا ثوم وتصبين عليهم علبتين زيت كيشور الهندي وتبدين تستخدمينه طبعا يابنات زيت الثوم زي المضاد يعني يبي وقت محدد وساعات محدده مايبي لخبطه خصصي له يوم او يومين بالاسبوع وثمان ساعات يوضع على الشعر وبعده يغسل بالشامبو .
النتيجه من هالخلطه نعومه وطول وكثافه رهيبه مره يابنات بس عيبه ريحت الثوم وانتي حاطتها يعني لا يقعد عندك احد واذا غسلتيه دخني شعرك بعود ولا دخون عشان تروح الريحه مره وحده .
نجي هنا لشي رهيب اسمه :
زيت كيشور الهندي
طبعا انا استخداماتي لها الزيت عديده :
اولا :استخدمه لحاله كزيت عادي لانه ينعم ويطول والريحه زينه .
ثانيا: احط منه عشرين نقطه في شامبو الشعر حقي اذا كانت العلبه كبيره اذا العلبه وسط احط خمس طعش نقطه واذا العلبه صغيره احط خمس نقاط فقط
وارج العلبه زين عشان ينخلط بالشامبو,طبعا هالطريقه للوقايه من التقصف ولتطويل الشعر وعشان يخفف من تجفيف الشامبو للشعر الجاف .
ثالثا:احط منه عشر نقاط في علبه كريم تصفيف الشعر حقي ,لان مفعوله مره رهيب للشعر يابنات .
وبس ..:a_smil17:
بنات .. ياليت اللي تجرب خلطاتي وتستفيد تجي وتكتب مشاركتها هنا عشان البنات يتشجعون ويجربون بعد
واي سؤال او استفسار انا حاضره .