كيفكم يا عرايس ان شاء الله بخير اليوم جايبالكم وصفة جميلة جدا وعن تجربة لاني ماحب احط شيء مو واثقة منو يعني كونو متاكدين منها مية بالمية لاني جربتها فترة ونتيجتها حلوة جدا وفعالة من اول مرة
اولا احكيلكم قصة الوصفة دي معاية مشان تتحمسو انا كان شعري باهت ومقصف و ضعيف وخفييييف جدا و طويل ومن غير فايدة يعني مو باين عليه ابدا انو طويل من النكشة الي فيه
قمت من كتر زهقي منو قصيتو قصيير يعني تحت الكتف بشوية و قلت اني لازم اهتم فيه بس بشيء مضمون مو اضيع الوقت علفاضي المهم يوم قالتلي صديقتي وهي شعرها حلو جدا ماشاء الله قالتلي عليكي بالحنة هي الدوا لكل مشاكل شعرك قلتلها اني بكره الحنة وانها بتنشفلي شعري وكمان لونها مابحبو وماشفت منها نتيجة قامت عطاتني هالوصفة وقالتلي جربيها ماراح تخصري شيء و شوفي
قمت جربتها وانا كارهتها بس والله ويشهد علي الله ان من اول مرة استعملتها شعري اختلف تماااااااااااااما النكشة خفت كتيييييييييييير غير النعومة الواضحة عليه ولونو تحسن كتيييييييييييييير ورجعت فيه الروح هذا من اول مرة قمت انا تحمست وعدتها تاني وتالت ورابع مرة والله يا بنات شعري اختلف مية بالمية وشو كمان طول بعد ماكان تحت الكتف وصل لاخر الضهر تقريبا وصحتو تحسنت كتيييييييييييييييييير والحمد لله
المهم بعطيكم الوصفة وانتو جربوها وبتشوفو نفس النتيجة واحلى ان شاء الله
الوصفة :
4 ملاعق كبار حنة طبيعية الي هي الخضرة مامعاها شي
بيضتين
كاس ونص ماء مغلي مع شاي اخضر وتصفي المي من الشاي وتخلطي بيها الحنة بس بعد ماتبرد مشان ما تخربي البيض
3معالق كبار زيت زيتون مخلوطين بمعلقة صغيرة زيت قطران ولا تكتري من زيت القطران مشان
الريحة
وتخلطي الكل منيح منيح واذا حسيتي ان الحنة بدها ماي اغلي شوي ماي تانيين مع شاي وحطيهم بعد مايبردو وبعد ما تخلطيهم غطي الحنة وخليها ساعتين وبعدين ابدئي حطي على شعرك والاحسن ان يكون الشعر نضيف مشان يتشرب الخلطة مزبوط المهم بعد متحطيها على شعرك خليها من4 ال 6 ساعات وماتزيد على 6 ساعات بعدين شعرك بينشف
واغسليها بالمي بس و البلسم او اذا عندك ماسك من الماسكات الجاهزة متل فاتيكة او اي نوع اغسلي بيه شعرك يعني بعد ماتغسلي شعرك بالمي منيح و تزول عنو الحنة حطي شوي ماسك او بلسم على شعرك و اغسلي شعرك على طول ماتستني وتاني يوم اغسلي شعرك بالشامبو
وشوفي النتيجة
وهذي الوصفة استعملوها كل اسبوع مرة والي شعرها متضرر كتير ممكن تستعملها كل 3 ايام عشان النتيجة الاسرع وان شاء الله بتشوفو النتيجة الحلوة الي شفتها وبتكونو راضيين عن شعركم مية بالمية
لاتنسو الردود والدعوات الحلوة
وانو ربي يعطيني مرادي ويقضي حاجتي وينولني اللي ببالي عاجلا:35:
يعطيك العافية
بس انا مستغربة من الشاي الاخضر اللي في الخلطه العاده نحط شاي احمر العادي او كركديه يعني اي لون بيطلع لو اضفنا له الشاي الاخضر ؟؟؟