شعرك جذاب بدون عذاب مع الحنة

اهلا يا حلوين
عندى خلطة حلوة للى دايما يستعملون الحنة
انا دايما اعانى من تنظيف شعرى من بعد الحنة واحس ان الحنة تمسك بالشعر وما تطلع منه
بسهولة وطبعا كثرة استعمال الشامبو فى هذى الحالة بيزيد الشعر جفاف وتعقيد علشان كذا
استعملت حاجه جدا رائعة فى صبغ الشعر بالحنة وهى النشا اللى نستعمله للحلويات
والطريقة هى انك تعملى الحنة كالمعتاد ولكن رخوة شويه طبعا تحطى الخلطة اللى تعجبك معاها وبعدين تجيبى قطعة قماش وصحن عميق وتضعى قطعة القماش داخل الصحن وتصبى
الخليط داخل الصحن طبعا بعد ما تبرد الحنه وتربطى قطعة القماش جيدا وتعلقيها مثلا على
الحنفيه وتضعى الصحن تحتها وتخليها لحد ما تصفى زين
بعد كذا تاخذى المويه حقت الحنة وتجيبى ملعقتين نشا وتخلطيهم على النار بتلاحظى ان الخليط بيتماسك بس ما تخليه يثخن كثير بعد كذا اتركيها تبرد واستخدميها مع فرشاة الصبغة لصبغ الشعر رح تلاحظو انها اسهل فى تغطية الشعر بالكامل واتركيها مدة اربع ساعات اواكثر لو حبيتى وبتلاحظى عند شطف الشعر انها اسهل من وضع الحنة بالطريقة التقليديه
ها ايش رايكم فى الطريقة هذى
اكيد بتعجبكم طريقتى وانصحكم
بتجربتها واللى تجربها تدعيلى
وتقول يارب يا اشواق تنولى
اللى فى بالك وجزاكم الله خير
تحياتى لكم جميعا
اشواق:27: