الله يتقبل منا ومنكم صالح الاعمال يارب
أول مرة اكتب بهالقسم ,, وان شاء الله مو آخر مرة
من فترة وانا أدور على سيراميك للشعر يخليه حرير
ورحت لإكسترا وانا ببالي براون على مدح البنات له بس لما رحت ماحصلت غير بيبي ليس
انواع واشكال واستخرت واخترت هالنوع baby liss Ipro 230
سعره 361 ريال سعودي
ماشاء الله بصراحة رووووعة تخلي شعرك حرير كأنه مثل شعور الفلبينيات
واذا ماتبغينه مدبس من تحت تقدرين تلفين الشعرة لأنه فيه صفائح تساعد على لف الشعر
وهو آخر نوع نازل من بيبي ليس ..
ومكتوب عليه انك تقدرين تلفين الشعر فيه ويفي بصراحة حاولت ماعرفت
بس انا يهمني اكثر ينعم الشعر .. وجربته على قريبتي شعرها كأنه افريقي وماشاء الله طلع حرير
مرررة فرحت مسكينة ..
يعني يناسب جميع انواع الشعر ..
هو ثلاث درجات حرارة وبسرعة يسخن وانت توك شابكته ماشاء الله بسرعة
يسخن في 90 ثانية يوصل لدرجه حرارة 230 درجه
-صفائح احترافيه بتقنيه النانو
-سيراميك التيتانيوم 25*85ملم
-بساط مقاوم للحراره
-سلك دوار
نجي الحين لصوره من النت :
طريقة استخدامه :
عادية جداً .. انصح باستخدامه على شعر جاف ما أأيد ابداً استخدامه على شعر رطب جربته على شعر رطب
طولت اخذت ضعف الوقت المستخدم للشعر الجاف ..
بعد الشور تجففين شعرك بشكل عشوائي بالسشوار العادي وبعدين تمشطينه وتقسمينه خصل صغيرة
وتبدين خصلة خصلة ماشاء الله الخصلة تسوينها ثلاث مرات لو شعرك عادي لو شعرك جعد يمكن خمس ست مرات
ويطلع تمام التمام
نصيحة مهمة :
لا تكثرون من استخدام اي سيراميك على شعركم لأنه يحرقه ويتلفه ولازم تعوضون استخدام السيراميك
بعمل ماسكات الشعر وحمامات الزيت ..
ملاحظة :
ماجربت استخدم اي سيروم بعده او قبله
واصلا بعده مايحتاج تحطين شيء لأنه يخلي الشعر لامع وغير نافش لأنه فيه تقنية النانو اللي تمنع
الشحنات الكهربائية وتعطي الشعر لمعة حريرية ..
أخيراً :
دعواتكم لي بصلاح النية والزوج والذرية وتحقيق الأماني عاجلا غير اجل
واعذروني اتأخر على الرد احياناً لظروف خارجة عن إرادتي ..
ياريت اللي تجربه تكتب تجربته ..