شعرك قصير... ومقصف..... وباهت..... تعالي اقولك....

اخواتي تبون شعر طويل وزين وكثير دون تقصف ؟ اتبعوا النقاط التاليه
لكن قبل ما اذكر النقاط احب اقول شي مهم ان الاهتمام بشدة بالشعر يعطي نتائج عكسيه وكل ما تفكرين فيه يشين اكثر . انا واعوذبالله من كلمة انا قبل اتزوج كنت شديدة الاهتمام بشعري الحنا مرتين في السبوع والدهن كل ما قالوا هذا زين قلت يالله يادهن وحطيته على راسي ومافيه شي امدحوه الاوحطيته ... وكل يوم عند المرايه اناظر طال والا لا... كثر والا لا .... زان والالا.. وهذا حالي وشعري لا يزين ولا شي هو هو ... لين تزوجت ولهيت بالحياة الجديدة :3_13_12:
ونسيته صرت اغسله والفه بس, ما اذكرة الا بلمناسبات وحليني على ما تجينا مناسبه المهم فات سنه ونص من زواجي انا ما لاحظت شعري الا لما الناس نبهوني يقولون تستخدمين زيت الحشيش؟شعري متغير طال وزان وراح التقصف والله يابنات ما ابالغ فعلا تغير ..... المهم طولت عليكم صح؟ نرجع للنقاط :

1- الابتعاد التام عن الاستشوارلانه يسبب التقصف.

2- الابتعاد عن الصبغات لانها سبب ضعف الشعر والتقصف.

3- عند استخدام الحناء ضعي معه زيت يفضل النارجيل
او اللي تستخدمينه لشعرك.

4- استخدمي الزيت اللي متعود عليه شعرك ولا تغيرينه لان مو اللي
يناسب غيرك يناسبك والعكس صحيح.

5- استخدمي الشمبو الخفيف على الشعر مثل الشامبوهات القديمه.

6-غذي شعرك وذلك بأكل الورقيات بكثرة فهي لا تفيد الشعر بس بل تفيد
البشرة والصحة بصفه عامه.

7- اكل الرشاد مغذي جدا للشعر .اكله وليس وضعه على الشعر.

8- لفه وتغطيته اغلب الوقت يقي الشعر من مؤثرات الجو.

9- عالجي قشرة الراس اذا كانت موجودة لانها سبب رئيسي في تساقط
الشعر.

10- قصي من اطراف شعرك مابين فترة وفترة حتى تعود حيويته.


11- لا تناظرينه ولا تفكرين فيه وانسيه مع اتباع النقاط السابقه وان شالله
تزين شعوركم.

اتمنى اني قدمت شي مفيد لكم والله يوفق الجميع.