ماحب احط مقدمات طويله وبدخل بالموضوع
طول عمري ولله الحمد (((((كـــــــــــــــان ))))شعري ملفت بكثافته صح ماكان شعري صحي يعني ماقول والله اللي مافيه اخلى منه بس الحمدلله يعني حلو والكل يسألوني وش تحطين وش تسوين
انا طبيعة شعري كيرلي ولفته حلوه طبعا الكل بلا مبالغه يسألني في الدوام والمناسبات وانا ماحط شي اتحمم مرات احط شوي كريم باطراف اصابعي ومرات ولاشي ومع كذا يطلع حلو انا كنت بكل حسن نيه اقول لهم ماحط شي وانا صادقه
الحاصل يابنات وربي ان شعري صار يطيح خصل مو يتساقط وصار خفيف شي مو طبيعي لدرجه اهلي اشوف نظراتهم وكأنهم يرأفون بحال شعري اللي وين كان ووين صار:06: بس الحمدلله على كل حال
انا هنا قررت اني اتصرف وماقعد اطالع شعري يروح مني وانا اتفرج :27:
اول شي يابنات ويعلم الله اني اول مره اسويها رحت الدوام وخذت من البنات مع ان عمري ماسويتها لافي الدوام ولا غيره
لأن العين حق سواء ماعجبتنا الحركه او لا انا اضطريت اني اخذ منهم بدون مايعرفون
ثاني شي دعيت ربي انه يكتب لي الشفاء وانا عندي يقين ان ربي اللي اعطاني اياه من قبل بيرجعه لي
لدرجة اني مابكيت يابنات وكل ماخنقتني العبره قلت انا اعرف ربي ماراح يردني
ثالث شي تصدقت بنيه شعري
غيرت الشامبو واستخدمت الاحمر القديم اللي بقزاز ماعرف اسمه بس حق العبايات اكيد تعرفونه
بنات طبعا انا كل هذا مالي مسويته غير اربع ايام
بس اللي خلاني اكتب لكم انه ولله الحمد شعري من يوم سويت اللي قلت لكم خف تساقطه النصف وهالشي فرحني بشكل ماتتصورون ربي يتمم علي
وانا حبيت احكي لكم لاني اعرف كثير منكم عندها نفس المشكله وحاسه باللي تحسون فيه فحبيت اقولكم اشياء سهله نسويها ونغفل عنها وندور حلول ويمكن الحل اسهل مما نتصور
قولو آمين يارب الله يكفينا شر الحسد ويتمم علينا نعمه
روحي الربيع @rohy_alrbyaa
عضوة فعالة
يلزم عليك تسجيل الدخول أولًا لكتابة تعليق.
والله انا مثلك يالغلا
كان شعري متوسط الكثافه الحين مستحيل الي يشوفني يعرفني :06:
شعري ولله الحمد جميل وحلو وكلش عاجبني عيبه بس التساقط كان يتساقط حوالي المية وشو ي وهذا نورمال
بس لي تقريبا ثلاث شهور وانا في حالة صعبه مو قادرة اصدق لانو يطيح شعري في الحمام الله يكرمكم على شكل خصل وربي شاهد علي وللحين مفجوعة ومو لاقية تفسير صرت اخاف امشطه اتمنى اتركه بالشباصه بس على حاله ومو مهتمه وسخ مدهن 0000الخ
كل همي ماحركه عشان مايطيح لكن لو باسوي مثلك بقدر الا في سالفة السور
معارفي كثير باخذ من مين والا من مين ؟
كان شعري متوسط الكثافه الحين مستحيل الي يشوفني يعرفني :06:
شعري ولله الحمد جميل وحلو وكلش عاجبني عيبه بس التساقط كان يتساقط حوالي المية وشو ي وهذا نورمال
بس لي تقريبا ثلاث شهور وانا في حالة صعبه مو قادرة اصدق لانو يطيح شعري في الحمام الله يكرمكم على شكل خصل وربي شاهد علي وللحين مفجوعة ومو لاقية تفسير صرت اخاف امشطه اتمنى اتركه بالشباصه بس على حاله ومو مهتمه وسخ مدهن 0000الخ
كل همي ماحركه عشان مايطيح لكن لو باسوي مثلك بقدر الا في سالفة السور
معارفي كثير باخذ من مين والا من مين ؟
رمال11
•
كانك يا روحي الربيع تتكلمين عن معاناتي انا كان شعري كثير وكيرلي والكل يتساءل عن طريقة تجعيده ويتفاجئون عندما اخبرهم انه فقط كريم بسيط والان خسرت ثلالثة ارباع شعري في خلال عشرة شهور اصبح هناك فراغات في جوانب شعري تتسع .. الشيخ يقول عين ولكني لم استطع المداومة على القراءة .. اخر محاولاتي العلاجية هو الحناء وهذي اول مرة الله ينفع فيه اذا حسيت بالفائدة اخبرتك..
الصفحة الأخيرة
ولاحول ولاقوة الابالله