شعرك كيف كان وكيف أصبح؟ " أرجو الدخول والإجابة"

انا شعري كان يتساقط بشكل كبير نوعا ما
بس ماكنت اهتم وكنت اقول ان هذا شئ طبيعي ان يتساقط الشعر القديم ويطلع جديد
يعنى دوره للشعر وتجديد



بس بيوم من الايام قلت خل اصبغ شعري بالبيت اشتريت صبغه
وحطيتها على شعري
نطرت عشرين دقيقه
وغسلته
وانا قاعده اغسله
مااشوف الا ذيك الخصله الكبييييره العريضه من شعري طاحت بيدي بكلللل سهوله انا خفت قلت لالا اكيد مو شعري
ومسكت خصله ثانيه سحبتها عشان اتأكد ولا تطلع وتطييح
وصار شعري يطيح بشكل اكبر


طبعا اول شي اقنعت نفسي فيه ان لازم احافظ على هدوئي واحاول اصبر واضبط اعصابي
هذا اهم شي
وجبت مجموعه زيوت خلطتهم
زيت البصل زيت الثوم زيت صبار زيت خروع زيت زيتون
يعنى كل الزيوت اللى تطيح بيدك
خلطتهم
وحطيته بليل وغسلته الصبح كل يوم وترك ف الحمدلله خف التساقط
ف قلت احط حنه لان الحنه جدا جدا جدا مفيده
اشتريت حنه يمنيه حمراء +كركديه
غليت الكركديه بماء عشان تعطي الماء لون احمر لانى فوق العلاج ابي اعطي لون حلو لشعري لون احمر عشان راح اترك الصبغات والكيماويات
ف لما شفت اوراق الكركديه صارت بيضا والماء صار احمر خذا كل لون الكركديه
صفيته وتركته لين يبرد
نجيب الحنا على حسب حجم الشعر اضفت له ثلاث بيضات وعصير نصف ليمونه و خلطتهم واضفت ماء الكركديه
وخلطتهم بعدين تركتهم بالليل لما تبين تحطين الحناء الصبح حطي عليه زيت زيتون لان الحنا يجفف الشعر ف زيت الزيتون راح يقلل الجفاف
حطيه على شعرك اكثر من ثلاث ساعات
انا حطيته خمس ساعات
لما تغسلينه غسليه ببلسم فقط واتركي الشامبو للمره الثانيه اللى تغسليه فيها
لاحظت شعري صار لونه يعطي احمر خفييف احمر غامق لان شعري الاصلي اسود
والحمدلله توقف التساقط وصار ناعم ومريحنى لله الحمد
وراح احاول استمر على الزيوت والحنا لانى ابي يصير كثيف اكثر
يابنات حاولو توقفون الصبغات والكيماويات اللى اضرارها اكثر من فوايدها

وعليكم السلام ورحمة الله وبركاته

أختي أحلام مشرقة ..

مشاركة طيبة منك وان شاء الله الكل يستفيد

ويجعلها بميزان حسناتك..

بالنسبة لشعري .. كنت مشهورة في طفولتي بنعومته وكثافته بذات الوقت والحمدلله

لكن بس كبرت شوي تبدل حاله فجأة كثافته صارت نفشة

ونعومته ماصارت تظهر بسبب هالنفشة

والطامة الكبرى كانت بالقشرة اللي عانيت منها سنين

وطبعا تقصف وتساقط كمان :(

من جد نفسيتي مرة تعبت بسبب شعري

لكن دحين الحمدلله يارب تحسن كثير ... والفضل لله أولا ثم الأخوات هناإضافة لبعض الأمور

أهم نقطة أنه تعرفوا أن التقصف مايتصلح إلا بقص الأطراف المتعبة

وفعلا قصيت كل الجزء التالف من شعري ..

وقبل سنة تقريبا لقيت بسوبر ماركت كريم اسمه دابر ((قاهر القشرة الفعال))

تراه مختلف عن زيت دابر..

جربته وفعلا لقيت أنه القشرة خفت بشكل كبير ... لكن ما انتهت

بعده على طول استخدمت شامبو نيزورال ..

والمفاجأة أنه القشرة زالت من شعري :)

مع العلم أني استعملت نيزورال زمان ومانفع معاي ... لكن بعد الكريم من جد اختفت القشرة

ومن فترة جربت وصفة قرأتها هنا لكن حقيقة ما أذكر مين الأخت اللي كتبتها

الله يجزيها الخير مين ماتكون

كانت عبارة عن عسل وزيت زيتون وبيضة وكم قطرة ليمون

النتيجة ماظهرت بعد الاستحمام ع طول ... لكن بالصباح رحت المدرسة ووحدة فكرتني مسشورة شعري:27:

ومرة انبسطت من هالوصفة ... وقررت أداوم عليها من وقت لثاني

وبكذا تخلصت من القشرة وشعري رجعت له نعومته ..

لكن إلى الآن مالقيت الحل للتتساقط عشان ترجع الكثافة زي زمان

بس اللي لاحظته أنه التساقط خف شوي بعد ماقصيت أطراف شعري

يمكن أشوف وصفة أختي الدلوعة

أعتذر عن الإطالة والثرثرة .. لكن حبيت أفيد الأخوات بتجربتي

ولاتنسونا من دعواتكم في ظهر الغيب:)

أختكم

الدلوعه:27:

جزاك الله كل خير أختي الغالية على مشاركتك المفيدة..

أكيد بتكون تجربتك بمثابة نصيحة للي عانوا من نفس مشكلتك..

دمتِ بكل خير وسعادة:)

تحياتي:24:

~رؤية~:27:

شكراً على مشاركتك غاليتي.. التي ستفيد الكثيرات خاصةً أنا مع القشرة:(

لكني سأحاول تجربة الكريم الذي ذكرتيه:)

جزاكِ الله كل خير أختي وبارك فيك دائماً وأبداً..

مع محبتي:26:

وين الردود خواتي..
يعني 163 مشاهدة..
ومشاركتين بس..
أتمنى إلي عندها تجربة تقولها عشان الكل يستفيد:27: