شعرك مجعد وخشن جربي هالوصفه

السلام عليكم ورحمة الله خواتى انا ودي افيدكم بوصفه بسيطه
وجربتها انا على شعرى وناسبتنى والوصفه :32:للاخت في منتدى ثانى
مااتذكر اسمها الله يجزاها ومكوناتها بسيطه واهم شي مالها ريحه
ابدا المقادير
مويه صحه يعنى موية شرب تقريبا لتر
وكمشه يد اوراق غار
الطريقه تغلى المويه مع الغار وتتركيها تطبخ زين وتكونى موطيه النار
تقريبا 10 دقايق وتصفيه ولما يبرد تعبيه بقاروره وتاخدى منه
اللى يكفي شعرك وتدهنى فيه الشعر من الجذور للاطراف
وتمشطى شعرك وتشديه وتعمليه ذيل حصان وتحاولى تشدى عشان
التجعيد يخف وتتركيه بشعرك بدون غسل ولازم يكون شعرك نظيف قبله
وكل يوم تسوى نفس الشي او كل ماجيتى تمشطى شعرك
وبعدها شوفي كيف شعرك ينعم وتخف التجعيد المويه الباقي حطيه بالثلاجه
وللامانه انا عملتها يمكن 3 او 4 مرات وتركته بس الحين برد له ان شاء الله
اسفه طولت عليكم واللى تنفع معها الوصفه تدعي لى بالفرج
ولامي بالرزق الواسع