شعرك مقصف وصار قليل من كثر التساقط>>إليكِ الحل وعن تجربه شخصيه!!

"بسمــ الله الرحمن الرحيمــ"

السلامــ عليكمــ ورحمة الله وبركاته...

كيفكم يابنات حوااااء ... إن شاء الله بخير ...

المهم عزيزاتي ماراح أطول عليكم وراح أحكيلكم قصتي من إلى...

بصراحه كان شعري روعه من ناحية الكثر " يعني غزير" وكان مافيه ولا فتفوتة

تقصف..

وفجأه صار شعري حالته حاله ...صار يتساقط بشكل مو طبيعي لدرجه إنه صار مرره

خفيف وصرت أنحرج منه ...وغير كذا القشرة اللي مبهذلتني والتقصف اللي خلى

شعري ماله سنع أبد...

وكل يوم أدخل عالم حواء وآخذ خلطه ... وكان أكبر غلط سويته إني كل يوم بخلطه

وماأنتظر على الخلطه إلا يومين بالأكثر لأني أبغى نتايج سريعه...وطبعاٍ بكذا مالقيت

ولا نتيجه إيجابيه ...

وجلست أفكر وش أسوي لشعري ...

المهم قابلت وحده من صديقاتي لي يمكن سنه ماشفتها وأعطتني خلطه مشيت عليها

لمدة أسبوعين ... وكانت النتجيه " شعري قل تساقطه+ القشرة بدأت تختفي+

التقصف كمان بدأ يختفي"...

وإليكم المقادير:

زيت خروع+ نفس المقدار زيت زيتون+ أصغر فص ثوم عندك ودقيه في النجر ..

وحطيهم كلهم في غرشه .. وقبل لا تستخدمينها رجي الغرشه زين ... ودلكي الفروة

أولاً والبقيه مرريها على شعرك..

طبعاً تستخدمينه يوم إيه ويوم لأ..

وتخلينه بشعرك زي ماتحبي ساعه أو ساعتين أو أكثر...

والخلطه في الأساس فيها كمان "رجله"اللي تنشرى من سوق الخضار << ماتعرف

وشلون توصفهاا...

وإذا بتحطين الرجله تضربينهم كلهم في الخلاط..

بس أنا ماحصلتها فإستغنيت عنهاا..

طيب بعض البنات بيقولون " طيب وريحة الثوم؟؟؟"

والله إنك لما تغسلين شعرك ماراح تبين الريحه ... وإذا شاكه سوي مثلي بخري

شعرك وهو مبلول عشان تصير ريحته تهبل..


وأتمنى من اللي تجربها تدعي لصديقتي وتدعيلي بدعوه حلوه في ظهر الغيب...


ودمتم بأحسن حال...