وصفات تخلى شعرك من شعر خشن لشعر انعم من الحرير فى اقل وقت
الوصفة الاولى
شامبو البيض
المكونات : 2 بيضة - كوب ماء دافئ
الطريقة : تخلطى المية مع البيضتين خلط جيد وبعدين تمسحى شعرك بيه خصلة خصلة وبعدين تغطى شعرك كويس اوى بكيس بلاستيك او بونيه لمدة من خمس ل عشر دقايق وبعدين تغسلى شعرك بماء فاتر .. والحركة دى ممكن تعمليها مرة او مرتين فى الشهر وهتشوفى نتيجة هايلة.
الوصفة التانية
خلطة الزيوت
المكونات :زيت زيتون - زيت لوز مر - زيت خروع كله بكميات متساوية
الطريقة : تخلطى الزيوت كلها مع بعض وتحطيها على شعرك يوميا قبل النوم لمدة شهر بعدين كل يومين لمدة شهر مع غسل الشعر فى الصباح
الوصفة التالتة
النخاع
المكونات : نخاع من عظام البقر من عند اى جزار - معلقتين زيت لوز - معلقتين زيت خروع - معلقتين حلبة مطحونة
الطريقة : تدوبى النخاع فى طبق على النار وتحطى عليه زيت الخروع واللوز والحلبة المطحونة وتحطى الخلطة على شعرك بس لازم يكون نضيف ومبلول بشكل خفيف وتحطى على شعرك كيس بلاستيك وتسيبى الخليط على شعرك على اد ما تقدرى ممكن من اول اليوم لتانى يوم الصبح وبعدين تغسلى شعرك .. وممكن تعملى الخلطة دى كل اسبوع وشوفى شعرك بعد شهر واحد هيبقى عامل ازاى
لأمتـنـا تـعازينـا @lamtna_taaazyna
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
رغم أني ماأحتاجها بس حبيت اقرأها وأكتسب معلومه..