سبحان الله وبحمده سبحان لله العظيم
كيفكم أخواتي الحوائيات
انا من محبين هذا المنتدى الرائع واستفدت منه أشياء كثيره في كل المجالات...
وحبيت أفيدكم وأرد لكم ولو شي بسيط من جمايلكم علينا
أنا يأخواتي شعري من النوع الجاف والمجعد تجعيد خفيف مع انه ناعم
لكن بعد الصبغات اللي أحرقت شعري وتساقط وصار ضعيييييييييييييييييييييييف جدا
ونااااااااااااااااااااااااااااشف ويابس ومتشبك في بعض وباهت....
انا الى الآن مالقيت حل للتساقط الرهيب والتقصف اللي بشعري اللي ...عندها حل تقولي عليه..
لكن لقيت شي ثاني يحسن من مظهر الشعر التالف الهايش
تصدقون اني حتى لما اسوي استشوار شعري من فوق كله طاير متقصف مايطيح
لازم احط زيت أو كريم او سيروم عشان أهجده وتعرفون عاد..في الطلعات شكل الزيت وريحة الكريم ماهي حلوه أبد
كنت اسوي ماسك قبل كل مناسبه يهجد شعريشوي ويعطيه لمعه لانه باااهت مره .....الله لايعيد هالصبغات
وداخل في هالماسك البيض .........بس من بعد ماسمعت
تحذير الدكتور جابر القحطاني
من البيض ما عاد أحطه خفت...
يقول ان البيض يسبب تكاثر الفطريات في الشعر ممايسبب بعدين ثعلبه في فروة الراس
وانا اقولكم هذي المعلومه للي مايعرف حتى تنتبهوا وماتستخدموه...
المهم ابقولكم عن خلطتي اللي جابت نتيجه رهييييييييييييييييييييييبه لشعري
وخلته ناعم وماهو متشبك ولا هايش وراح النشفان اللي فيه
هذي الخلطه تستخدم في المناسبات يعني مو كل يوم لاااااااااا
وهي سهله سريعه ومتوفره في كل بيت
أدري طولتها عليكم بس عشان تكوني معاي في الصوره
الخلطه هي :
2م حمام زيت فاشكول _2م كريم جوز الهند باراشوت الازرق_2م مايونيز_1م خل تفاح
تخلط وتوضع على الشعر وهو ناشف ماهو مغسول مدة ساعه ويلف عليه كيس
بعدها تغسليه بالشامبو عادي ...انا استخدم بانتين بالخط الاخضر المنعم
وبس ....شوفي النتيجه لما استشورت شعري كان رووووووووووووعه وماهو هايش زي كل مره
وما حطيت عليه ولا شي لا سيروم ولا كريم وفيه لمعه جناااااااان سبحان الله كنت فرحانه بشعري
ذاك اليوم ....
قلت لازم اقول لاخواتي في عالم حواء حتى يستفيدوا مثل ماانا استفدت أتمنى تجربوا وتقولوا لي تجاربكم
هذي صورة الفاشكول للي ماتعرفه
وهذا كريم باراشوت
وماابي منكم الا شي واحد انكم تدعون لي بالشفاء والتوفيق في حياتي وان ربي يصلح زوجي وعيالي ويخليهم لي
