كوبونات الراقية تسجيل الدخول

@لوليتا@

@لوليتا@ @lolyta_22

عضوة فعالة

شعرك يتساقط ...افهميه بعدين قرري العلاج

العناية بالشعر •

السلام عليكم ورحمة الله وبركاته

ملاحظ هالحين ان غالبية الناس تشتكي من تساقط الشعر والوحدة منا تفتح النت وتدور علاج للتساقط وتطبقه على شعرها وشختك بختك ياصابت ياخابت

التساقط له اسباب داخليه وخارجيه تعتمد عالغذاء ونوع الشعر والهرمونات والوراثة واللي يناسبها مو ضروري يناسبك بالعكس يمكن زيادة يخرب شعرك مثل قصة زميلتي اللي خلتني اكتب هالموضوع

البنت اول ما بلغت بدا شعرها يتساقط وامها قلقت عليها فكانت تشكي للجارة والصديقة هذه تعطيها زيت من الاردن وهذيك من الامارات وهي تشتري وتدفع على الزيوت وشعر بنتها كل ماله يزيد تساقطه
بالاخير قررت تروح طبيبة جلديه
ولما حكتها اللي صار قالت لها شعر بنتك سبب تساقطه زيادة الافرازات الدهنية اللي يخلي الشعرة تطيح بسهولة وانتي زدتي الطين بله تحطين لها زيت تزيدين من معدل التساقط وانتي تحسبين انك تعالجينها
المهم قاست معدل الهرمونات عند البنت لقتها متلخبطة جدا الشيء اللي زاد افرازات الشعرة الدهنيه

صارت البنت تتعالج لضبط الهرمونات اولا

الهرمونات من اهم الاسباب اللي تودي الى زيادة التساقط لان اضطرابها يزيد من الافرازات الدهنية وحب الشباب وعدم انتظام الدورة الشهرية

واكثر الاشياء اللي تسبب اضطراب الهرمونات البلوغ والزواج والحمل والولادة وموانع الحمل والغذاء فالبيض والدجاج من اكثر الاغذية اللي تسبب اضطراب الهرمونات لان الدجاج غذاءه يعتمد عالهرمونات عشان يكبر بسرعة وينباع في السوق باسرع وقت
يعني الحمية للبعض مطلب اساسي

عالاقل استشيري طبيبه نوع بشرتك شعرك لان الشعر ممكن يكون جاف من اسفل والفروة دهنية ويناسبها كذا كذا وكذلك الشعر وتخبرك عن الزيوت وعن الاكل اللي يناسبك واللي لازم تبعدي عنه
على ضوء كلامها وبعد ما تصيرين فاهمة شعرك وبشرتك تختاري من الخلطات اللي يناسبك


اتمنى اكون فدتكم من واقع تجربتي اختكم @لوليتا@
13
1K

يلزم عليك تسجيل الدخول أولًا لكتابة تعليق.

تسجيل دخول

مادام معاي القمر
مادام معاي القمر •
صادقه والله .. الله يوفقك ويعطيك الي بنفسك
انا الزيوت تزيد التساقط عندي
والقشره بعد...
:):26:
سـهـام الـود
سـهـام الـود •
وعليكم السلام ورحمة الله وبركاته
بنات علاج إضطراب الهرمونات كيف ؟
بالحبوب يكون ولا ؟
ananani
ananani •
سـهـام الـود
علاج الاضطرابات يكون بحبوب ولازم الانتظام عليها حتى بالساعة..

لوليتا
موضوع راااااائع والله يجزاكِ خير..
@لوليتا@
@لوليتا@ •
مادام معاي القمر مادام معاي القمر :
صادقه والله .. الله يوفقك ويعطيك الي بنفسك انا الزيوت تزيد التساقط عندي والقشره بعد... :):26:
صادقه والله .. الله يوفقك ويعطيك الي بنفسك انا الزيوت تزيد التساقط عندي والقشره بعد... :):26:
مشكورة حبيبتي
الحمدلله انك عارفة نوعية شعرك
وترى موكل العناية بالزيوت
ممكن تستخدمي الحنا او السدر مع الليمون لوبس مويتها تشطفي شعرك اخرغسله
@لوليتا@
@لوليتا@ •
سـهـام الـود سـهـام الـود :
وعليكم السلام ورحمة الله وبركاته بنات علاج إضطراب الهرمونات كيف ؟ بالحبوب يكون ولا ؟
وعليكم السلام ورحمة الله وبركاته بنات علاج إضطراب الهرمونات كيف ؟ بالحبوب يكون ولا ؟
علاج اضطراب الهرمونات تحت اشراف طبي
طبيبة تقيس مدى الاضطراب و تحدد لك السبب والعلاج
ممكن زي ماذكرت الاخت حبوب وكذلك حمية ضد اغذية معينه