شعري بعد الصبغه بثلاث شهور

هلا اختي 
ومبارك المولود والحمد لله على سلامتك

بالنسبه للتساقط انصحك بالسدر تقريبا نفس فوائد الحنا عشان اللون يعتبر مجازفه ومره في الأسبوع وبهذي الطريقه
اغلي موية شرب وحطي فيها شاي احمر ملعقه كبيره او كيس زي ليبتون وملعقه صغييييييره حبة البركه وقدها رشاد خليها تتنقع في المويه لحد ماتبرد بعدين صفيها واعجني بها السدر ولا تثقلينها خليه ساعه بعدين حطيه على شعرك من الجذور للأطراف 
خليه من ساعتين لأربع ساعات وغسليه بمويه وحمام زيت ولا توصلينه للجذور 

اليوم الثاني زيتي شعرك بس انتبهي لا يوصل الجذور عشان مو ناقص تساقط  

فيه شي ثاني ممتااااز للتساقط هو الجرجير تنظفينه وتحطينه مع شوووويه مويه في الخلط وتصفينه بشاش وتحطينه في الجذور فقط وخليه اربع ساعات وشطفيه

بعد الشاور شطفي شعرك بمنقوع الشاي الاحمر او الاخر كلها مفيده مرتين في الأسبوع واهم شي ترطبين الشعر بعد كل حمام

افضل زيت جربته للشعر المصبوغ والمتضرر زيت الحيه الهندي ما شاء الله عجيب ولاتحطينه على الجذور  عشان لايتساقط وانتي تبين تقوين شعرك

بالنسبه للماسك ممكن يكون اليوم الثاني بعد السدر ومره في الاسبوع
مايونيز وزبادي وطحينه سايله لاتستغربين والله انها من افضل الاشياء للشعر وهي كلها سمسم والسمسم معروفه فوايده للشعر 
حطيها بكميات متساويه مع ملعقه من اي زيت وحطيها على شعرك بدون الجذور من ساعتين لثلاث وغسليه وآخر شطفيه بنسكافيه مذوبه في مويه عشان الريحه

شعرك اغسليه بمويه بارده لأن الدافيه تضعفه وتطيحه 
اغسلي شعرك بالمقلوب يعني نزلي راسك وغسليه

ولا تخافين التساقط بعد الولاده طبيعي وقد سمعت انه لو وقفتي الفيتامينات اللي كنتي تستخدمينها فترة الحمل يتساقط فانتي حاولي ترجعين لفيتاميناتك وانصحك بفيروچلوبين

اعتذر عن الاطاله بس حاولت انوع لك في الخيارات واعطيك كل المهم من خلال تجربه مريت فيها ولاتخافين كل اللي كتبته مضمون بإذن الله 

وأي استفسار انا حاضره

الله يجزيك خير

بس ودي بوحده مجربه هالمشكله وتخلصت منها

بس عندي سؤال ليش السدرمااوصله للجذور على انه مقوي؟؟

للرفع

رفع

انا مجربه كل اللي قلته لك 
بعد ولادتي قربت اصلع بس الحمد لله قدرت احل المشكله ما شاء الله

ياروحي انا قلت السدر تحطيه على كل شعرك من الجذور للأطراف
والجرجير بس الجذور
الزيت وحمام الزيت او البلسم هي اللي ماتوصل الجذور