شعري خلص 😭😭

رفع
مو من الرياض

الله يشفيك ,,صراحة لي تجربة بشعري مع العيادات وما استفدت شئ عالعموم بأكتبلك تجربتي لعل تجدي فيها ما يثلج صدرك .اول شئ اذا ما فيك صلع وراثي لا تستخدمي المينوكسيدل راح يتعبك وما منه اي فائدة , روحي عيادة عادية لأن العيادات الكبرى ما يكتبون الا المينوكسيدل ومشتقاته ,, سوي تحليل دم وغدة وفيتامين د ولا تستغربين لأن نقصة يؤدي الى تساقط للشعر , اذا عندك نقص خذي مكملات غذائية وحبوب فيروجلوبين جدا رائعة بس للي عندها نقص في الدم,وخذي امبولات مغذية فقط للشعر وابعدي عن انبولات كرونستيم تسبب تساقط , فيه بنت كانت معاي تاخذ انبولات صبار وتقول فادتها ,,انتبهي لغذائك كلي كل يوم سلطة او تبولة تكون افضل , ابدأي يومك بشرب موية فاترة ونص ليمونة نتظف الجهاز الهضمي والكبد ,خذي مع الفطور بدال الشاهي عصير طماطم طازج تحطين الطماطم في الخلاط وعصرة ليمون وثوم واذا قدرتي شوي فلفل حار,خذي حبوب خميرة لمدة 3شهور , ابعدي او قللي الشاهي والقهوة , اكلي كل يوم حزمة جرجير راح تلاحظي فائدتها , ما انصحك بأي شئ حار على فروة الراس مثل الجرجير والثوم والبصل لأن شعرك في الفترة ذي تعبان , كلي كبد وسويها نص استواء , الزبادي اكل وقناع, الحناء خذية ورق واطحنية بنفسك لا تاخذي الجاهز , وبعد نقوع الحناء مفيد , سوي مغلي حلبة كل يوم وبخي على شعرك بمساج , خذي زيوت طبيعية زيت الزيتون ابعدي عنه لأنه حار خذي سمسم لوحدة ,وعندك الخروع مع زيت اللوز اخلطيهم وسويهم مساج بس لا يطول عن ساعتين .خذي مشط خشبي تلاقية ببدي شوب ,ابعدي كل المواد الكيماوية والصبغات نهائي عن شعرك ,خلي عنايتك ثابتة ومو متقطعة ولا تكثرين يعني مرتين بالاسبوع او 3 كافية ,واخر شئ حبيبتي لا تقعدين تفكرين بشعرك واجد (التفكير الكثير سئ يسبب تساقط)اهتمي فيه وانسي التفكير فيه وبعد ما تنسين تقرين الفاتحة والمعوذات على كل شئ تحطينة بشعرك يمكن محسودة عليه حتى لو كان مو كثير العين حق والرقية بركة وكلام الله , ادعي ربك يالغالية واذا قدرتي تغسلي شعرك بزمزم يكون افضل ..بأذن الله لو استمريتي من دون تفكير راح تلاحظين نتيجة .
كل امنياتي لك يالشفاء العاجل .
دعواتك.

خلطة المنقوع مجربة بنفسي وجرجير بأخواتي
ثاني خلطة يمنع التساقط ويكثف ويطول بإذن الله
بس يا اختي اذا بدئتي بخلطة الجرجير استمري عليها لا تتركي واذا تتركي بتدريج مو فجئه
خلطة المنقوع مرة روعة اللي شعرها ما يطول باذن الله راح يطول ويوقف التساقط جيبي قددر صغير وحطي كوبين ماء واغليه وبعد الغلي طفي النار وحطي فيه ملعقتين اكليل جبل وملعقتين آس يكون مطحون وملعقة حب رشاد يكون حب وغطيها بكيس ولما يبرد صفيه وخذي المنقوع وحطي شويا منه في علبة رشاش ورشي بشعرك وهو نظيف وقفليه بكيس نيلون وخليه ساعة ساعتين على راحتك وبعدين غسليه بماء فقط وماء الباقي حطي في علبة ماء صحة واحفظي في فريزر
مرة نتائجه مذهله
..................
واذا تبغي كثافة مثل زراعة شعر استعملي هذي الخلطة وتقدري تسعملي معها الزيوت والمنقوع وهذي الخلطة وتخصصي لنفسك جدول وموفقة
خلطة مضمونة من ثاني استعمال توقف التساقط ومن شهر راح يبدء طول وكثافة و لما تستمري الخلطة لمدة 6 شهور راح توصلي الطول اللي تبغيه وكثافة بس ألزمي الصبر ثم الصبر ثم الصبر والاستمرار
وباذن الله ما راح تندمي استعملي هذي الخلطة اولا اذا انتي خايفة جربي في خصلة وحدة وحطي فوق الخصلة كيس واتركي ساعتين او 3 ساعات وشوفي اعملي 3 مرات في الاسبوع وراح تعرف زاد التساقط ولا نقص انا اي شيء اجرب في شعري بس احط خصلة واشوف النتيجة في الخصلة ان راحت مااندم عليها ولا شيء بس نصيحتي استخدمي هذي الخلطة جرجير جيبي حزمة جرجير واذا كان شعرك كثير جيبي حزمتين او 3 وغسليها وحطي معاه نص كوب ماء وواحد فص ثوم واخلطي في الخلاطة الكهربائي وصفيه بصفاية وحطي الزيت ملعقة او ملعقتين حسب طول شعرك قصدي زيت اللي انتي تستعمليه او زيت زيتون افضل شيء وحطي في شعرك وسكريه في كيس نيلون وخليه لمدة 3 ساعات واذا كان اكثر عادي ما يضر مرتين في الاسبوع ومن ثاني استخدام باذن الله تشوفي النتيجة بعيونك انو تساقط وقف وبعد شهر تشوفي نتيجة بعيونك انو بدء يطول ويكثف ولمعان
....................
شوفي انتي اذا صعب عليكي كل مرة تخلطي في طريقة صديقتي تستعملو اولا تغسل 3 حزمات جرجير وتحطو في قدر صغير وتحط 2 كأس ماء وتغلي 10 دقايق ولما يبرد تحط في علبة رشاش شويا من ماء الجرجير وترش في شعرها والباقي تعبي علبة ماء الصحة او اي علبة وتدخل الفريزر وما يخلص منها شهرين وهو نفس النتائجة نسميها طريقة الكسالة ومو مكلفة وسهلة جدا
توكلي على الله وخلي دايما اطلبي من الله انه يكثف واقرئي رقية الشرعية واسماء الله الحسنى على الخلطة او المنقوع او زيوت
ودعواتك ان الله يحقق لي كل اللي اتمناه

اذا بتروحي عياده خلي الدكتوره تضرب بفروة راسك ابر الميزوثرابي رح تملي راسك شعر

جزاكم الله خير يالغليات ماقصرتو
الله يجعله بميزان حسناتكم
ان شاءالله اجرب ابر ميزوثرابي