شعري دخل فيه جني وصار يطلع أصوات مرعبه ألحقوني قبل ماأنهبل

يابنات ياربي مدري وش اقول وقسم بالله مستحيه من ذا العراده

الله يعني عليها ويعنيها علي ياكثر ماسبيتها وسبتني بس الله يعوضني بالجنه من سبايبها

بالبداية احب اوصف لكم عراداتي اقصد كشتي اقصد تاج راسي شعري الحلو

طوله حلو وعاجبني ولو يطول مهيب شينه لكن المشكة صبغته من سنتين ولازالت الصبغة باطارفه ومن 3 شهور قصيت اطرافه ومامداني اتهنى فيه يومين إلا رجع لتقصفه
التقصف اللي فيه يروع يابنات مو طبيعي الشعر مو منكسر ولا منشقه لا والله الشعره مشقوقة كانها ورقة دفتر ابو 40 وجه ووجه ياربي لك الحمد
واذا جيت امشط شعري طلع صوت يروع فج فججججججججججج دجججج
وارتاع لما امشطه واقسم بالله مابقى منتج إلا شريته وربي الكعبه مابقى شيء ماسويته

عنايه واعتنيت والحمد لله نبيه ينعم ويروح التقصف ولا يهجد قام يطلع لي شعر جديد من الأطراف وعند الجبه وبنص الشعر في منطقة الهامه وخلف الراس وشعر صغار صغار مره وكل ماراوح استشور شعري برى يتروعون يقولون وش في شعرك توه يطلع من مرحلة المراهقه :icon33: لاحول ولا قوة إلا بالله

يعني ماحط زيوت ولا احط شيء مشكلة وقسم بالله مابي يطلع شعر الحمد لله لاحول ولاقوه إلا بالله شعري كثير مابيه يزود يتعبني أصلا بالإستشوار ياخذ ساعتين وربع أحيانا والله محد يصدق بس انا احب اسويه كيريلي امحق من كيرلي بس يعني اسم انه يرحيني لاان احب اتحمم كل صبح :( من النظافة الزاايده

والكيرلي يقعد ربع ساعه إذا جاملني يعني مره وينفش نفشه
مره كنت اتمشى بالجامعه واشوف الناس يناظروني وانا ارتعت وربي
يوم رحت الحمام واشوف شعري واصل السقف يمه انا تروعت منه وربطت وحرمت اسوي كيريلي
شعري جاااااااااااااااااف جاااااااااااااف بكل ماتعنيه كلمه
واعتقد الزيوت تزيد علته انا مدري وش يناسبني بضبط
حتى منتجات بايوت اغلى منتجات شعر شريتها وماحصلتها إلا بمملكة المراه شريت المجموعه بحوال 600 ريال وكانت رائعه بس للاسف ماقدرت اوصل عليها
هي مفعولها مؤقت يعني طالما تستخدمينها تسوي اثر وقفتي ترجعين زي اول
وغير كذا غاليه يعني انا شعري تحت الكتف واتحمم يوميا يعني هل معقوله ادفع 600 ريال شهريا لعراداتي الجميلة اللي مافيه امل تتحسن
وشرايكم يابنات ابي ارتاح والله مليت احس نص الجمال في الشعر :( وعراداتي ماتعطي فرصه ساعدوني

1- ابي زيت ينعم الشعر مره يعني يفرده فرد
2- ابي طريقة كيريلي حلوه بسيطه وتخلي شعري طبيعي ومبلول وهاجد
3- ابي تسريحه حلوه للجامعه يعني شلون اسرح شعري ارفعه فوق زي البنات مايصلح افكه بعد مايصلح وش اسوي طيب ؟؟؟

اللي ماتقدر تسوي شيء تدعي لي ربي ينعم شعري يارب ويخليه يهف هف مع الهواء وادعيها يارب بالصلاح والهدايه والزوج الصالح ياكريم