شعري ذبحنيييي يتكسسسر وجاف

حبيبتي جربي معالج كيراتين ترا انا كان شعري مقصف وباهت ونافش تعبت وانا ادور حل وقررت اسوي معالج كيراتين والحمدلله تغير شعري كليا وصار ناعم وفيه لمعة واهم شي ارتحت مالاستشوار

نوعية هذا الشعر عدوه الاول الجفاف يعني حاولي دايماً تخلينه مرطب ولا تكثرين غسل بالشامبو عليه وخففي الشامبو بمويه قبل لاتحطينه ع شعرك💆 وبعده مهم تستخدمين بلسم لشعرك وتتركينه مدة ٢ الى ٣ دقايق ع الشعر مو الفروه عشان مايتساقط الشعر، وبعد ماتطلعين من الشاور تجففينه ع الخفيف وتحطين عليه مسحه من الزيت او الكريم اللي تستخدمين والا فضل يكون مخصص للشعر الجاف والتالف ضروري تدهنينه وهو شبه مبلول عشان ماينفش لانه لو جففتيه بعدين حطييتي الكريم او الزيت بيظل شكله نافش ومو حلو اهم خطوه انك تدهنينه وهو شبه مبلول هنا السر في انه مابينفش وحتى لو نفش بيكون شكله اهدى من قبل 💁
شي ثاني مهم تسوين له مرتين ع الاقل في الاسبوع حمام زيت وانا اشوف الافضل لنوعية الشعر الجاف والنافش انك ماتحطين بس زيوت لاني اشوف الاحسن حمام الكريم للشعر شوفي اللي يعجبك من الماركات في السوق واشتريه وركزي على المكتوب عليه اصلاح الشعر او معالج الشعر عندك فيه من الفيف لوريال وفيه من غارنييه وفيه بوناويل بالقمح يجي شوي ثقيل وجامد خففيه بمويه دافيه لما يصير قوامه كريمي ولو قدرتي تحصلين زبدة الشيا بعد بيكون تمام احسها ترطب الشعر بقوه
نسيت اقولك شي انه حمام الكريم لازم تسوينه ع شعر نظيف وبعد ماتسوينه ماتغسلين الشعر بشامبو بس بماء والا بتروح فايدته جربي اللي قلت لك عنه وان شاء الله بتشوفين نتايج ترضيك 😄
واذا مارضيتي عن النتايج مالك الا الفرد او الكيراتين لانك مشكله متزوجه ولازم تطلعين بمنظر حلو قدام زوجك 👸 شوفي انا شعري ما استغنى عن الفرد صحيح تبهدل وصار خفيف بس صراحه لما يكون مفرود يكون شكله احلى لاني انا اعاني معاناة من الشعر الجاف والنافش 😩 بس مالقيت حل يرضيني الا الفرد بس نصيحتي لك لا تغامرين بشعرك عند اي احد لازم وحده خبيره وامينه تنصحك اذا حالة شعرك ما يناسبها الفرد لاتفردين لا تروحين عند ناس همها الفلوس واقري موضوع الاخت نجلاء الغامدي اعتقد
كاتبه موضوع عن الفرد كافي ووافي الله يجزاها خير صراحه موضوعها ممتاز عن الفرد . واتمنى لك شعر جميل ومسترسل مع هالنصايح بس مو تروحين تسوين فرد ويخرب شعرك وتدعين علي 😁 لا انا قلت لك عند ناس فاهمه صح واتبعي النصايح بحذافيرها واذا حالتك شعرك تعبانه كلش ابتعدي عن الفرد ومالك الا الزيوت والكريمات بس يبي لها وقت ومداومه واستمرار يعني مو يوم ويومين وتملين لازم استمرار على حمامات الكريم والزيوت وصدقيني لابد بتلاقين فرق في شعرك عن قبل .


تم الإرسال بواسطة iPad بإستخدام منتدى عالم حواء

الله ييسسسعدك ويحققق لك مناااك يارب
افدتيني

عالجيه لاتسوين كيراتين

ايي ماني ناويه ع الكيراتين