شعري صار أسود من غير حنة ولا صبغة؟!!

مرحبا يابنات
القصة ومافيها انا شعري كان طويل ولونه بني وجاف ومتقصف وكنت استخدم له شامبو دوف للشعر الجاف المهم اني قبل العيد بكم يوم اشتريت شامبو عجبني شكله ومكتوب عليه للشعر البني والاسود يعني للالوان الغامقه
وقبل العيد بثلاث ايام قصيت شعري قصير المهم شكلي تغير لان شعري على طول طويل وبنفس الوقت صرت استخدم الشامبو
يوم العيد بنت خالتي اول ماشافتني قالت لي متغيره بالصبغه قلت لها اي صبغه قالت حاطه صبغة سودا قلت لها لا والله بس يمكن اني حاطه على شعري مثبت
ولا حطيت ببالي هالشي وبعدها بعشر ايام كان عندنا خطوبة وشافتني بنت خالتي الثانيه ونفس الكلمه قالت متغيره بالصبغه قلت يؤ وش سالفتكم وبعدها بيوم بعد كان عندنا زواج وشافتني واحده وقالت تصدقين ماعرفتك عشان لون شعرك قلت يووووووووه مابدهاش اكيد شعري لونه متغير مع اني والله مالاحظت ولا كنت حاطه ببالي الشيء ورجعت وقلت لزوجي كلامهم وطالعني قال اي والله صاير اسود وتوي منتبه له وجلست افكر وش السالفه بعدين قلت مافيه جديد الا الشامبو << كانها قالت قصة حياتها:22:
معقولة شامبو يغير لون الشعر؟ الحين رحت اقرا الي مكتوب عليه انه يثبت لون الشعر من غير صبغات
فيه واحده منكم صار لها هالشي يعني عادي ان لون شعري يتغير؟ مع اني حابة لون شعري الاول بني:(
وش رايكم ؟