شعري صار حريري ومفرود كأنه سيراميك وبإستخدام .. معقول ؟

كييفكم بنات


ااه بنات حابه اشتكيلكم الأول ، انا من و صغيره امي تقص شعري باستمرار ولهذا السبب لما كبرت صار كثييف والحمد لله .. لكن المشاكل الثانيه اللي اعاني منها ..
شعري من يوم يومي وهو مجعد كانه اندومي >>>> شوفو تقول حكم
والله مهما كان طويل ما يبين لانه مجعد جدا وكمان اتهاوش معه لما اجي اسرحه يعني كثيف ومتشابك ومجعد متخيلين ! قهر يا بنات قهر
المهم وانا ما كنت افك كحكة السكر من شعري ابد اصلا استحي افكه يقولون شبيها افريقيه هع
امي قصته لي لين فوق الأذن يعني كاني ولد .. والحيين لو اخبركم طااار بكم شهر الين تحت كتوفي واسوي فيه حركات وافكه من نعومته وجماله ومفرود كاني مستشوره
قولو ماشاء الله << خايفه على نفسي ها
اعرف تبون الزبده .. طيب بخبركم
أول شي انا احني مره كل اسبوعين وخلطتي للحنه خطييره وهذي هي ( احط كمية حنا حسب طول وكثافة شعري ، ربع زجاجة زيت دابر املا منقوع فيها معلقتين كبار خردل اسود مطحون < انقع الخردل بالزيت يوم كامل وبعدين احطه بالحنه بدوون ما اصفيه > ومعلقتين كببار زبادي ، معلقه صغيره قرنفل مطحون اللي هو العويدي او المسمار ، واعجنها بمغلي حلبه )
وربي بنات بعد الحنا دااايم شعري متغذي وصحي ولامع ومفرود جدا وكمان مع الاستمرار يطول بطريقه ملحوظه
زيتي دابر املا الأخضر
وشووفو وش احط عشان يصير شعري سيرااميك ، ما تصدقوون


اليوم مسكت شوشتي وطلعت زبده من الثلاجه وذوبتها بايدي بدون نار وقمت ادهن محروستي فيها ، لا تستغربون زبده خالية الملح انا احط زبدة المراعي
دهنت شعريي زييين زيين تمام ، وبعدين سويته كحكه ولفيته بشيله .. ما طولت ساعه وغسلته بشامبو نونو الأصفر وحطيت فاشكول بالجرجريير روووعه بنات وكمان احب فاشكول بالثوم يخلي شعرك يطلع وينزل من النعومه
بعد ما غسلته سويته كحكه مره ثانيه ولفيته بشيله لين جف يعني ممكن تنامي وانتي لافيتيه وبعدين اصحي فكيه واتفرجي ع اللي بتشوفيه يا قمر
بتنصدمين
والله ما ابغى غير الدعاء يا حلواات
الله يعافيكم اللي تجرب تدعي لي بالنجاح في امتحناتي ..:D