شعري صار زبدة

بسم الله الرحمن الرحيم 

قبل كم شهر حضرت عزومة في بيت خالتي و كنت مستشورة شعري بس كانت مشكلته منفووش
كان فيه نفشه مخربة الشكل 
و بناات خالتي ماشاءالله عليهم كل وحدة شعرها أحلى من الثانية طويل و ناعم و يا جماله
عااد أنا قلت أسأل بنت خالتي و ان شاء الله ما تردني
و سألتها و الحمدلله هي مو مثل بعض البنات اللي ما يحبو يفيدو غيرهم و همهم مصلحتهم 
لا هي ماشاءالله تقطر ذرابة كامل و الكامل الله
المهم ما علينا
قالت لي عن زيت الفازلين اللي غطاه أزرق 
تقول بعد ما تاخذين الشور و شعرك مبلول حطي في ايدك قطرات من الزيت و فركيها بعدين مسحي شعرك من الجذور للأطراف و سويه زي المساج بس لاتكثرين منه بعدين استشوريه و شوفي النتيجة 
و توني قبل يومين كان عندنا مناسبة حفل تخرج أختي فقلت أجرب الطريقة 
والله يا بناات و الله على ما أقول شهيد أن شعري صار زبدة وااااااو يجننن كأني مستشورته عند المشغل
رووووووعة هالزيت
حتى لو ما استشورتي شعرك 
بعد ما تغسلينه سوي هاذي الطريقة و لفيه بالبوشية و نامي 
و قومي في اليوم الثاني و شوفي كيف شعرك صار و ادعيلي

بسسس يا بناااات انتبهو أنا شعري جااف و متطاير
فما أدري اذا كانت الطريقة تنفع للشعر الدهني او لا
اللهم اني بلغت اللهم اشهد

و كمان نقطة ثانية انتبهو لها 
لا تحطين أكثر من اربع الى ست نقاط من الزيت بعدين شعرك يصير مدهن و تدعين علي

و السلام ...