شعري لا ناعم و لا مجعد ايش الحل معاه ؟؟؟؟

السلام عليكم ، كيف حالكم يا حلوين ؟


انا شعري طول عمري ناعم و حلو و الحمد لله بس من سنه تقريبا صرت لما اتروش يطلع مجعد و حلو علي و لما امشطه ينفش ، و لما ما امشطه يضل بيرم و حلو علي بس مبهدل و منفوش ؟! ايش الحل ؟ ما خليت حمام زيت في البيت او في الصالون و حطيت زيت و كريم زيتي يلي تحطيه بعد الاستحام و حتي بخاخ الاطفال من جونسون جبته هو ساعد علي التسريح لانو تسريحه صعب بس برضو منفوش ، مع العلم اني غيرت الشامبو كمان و استخدم بلسم كله ما فيه فايده ، قلت خلاص بلاش امشطه و خليني اتعامل معاه انه بيرم حطيت له موس يلي هو الرغوه البيضا ، برضو ما فيه فايده ، مبهدل ، لا هو ممشط مرتب و لا هو غير ممشط مرتب ، دايما شعري مبهدل ،
و زوجي زي اي رجل يحب يشوف مرته مرتبه ، دوم يقولي ليش شعرك دايما مبهدل مشطيه بليز ، اقوله و الله مشطه يقولي مستحيل مشطيه اكثر ههههههه ، و نسيت اقولكم اني استخدمت السيروم كمان ، برضو ما فيش فايده ، فقلت خلاص مالي الا حلين يا املسه في الصالون او اسويه بيرم دائم يلي يقعد ست شهور ، و انا اميل للبيرم لاني ام لتوام ما شاء الله اعمارهم ثلاث سنوات و كونه وقتي ضيق ، سمعت البيرم مو لازمله تمشيط و العنايه فيه سهل و سمعت انو ممكن يعدم الشعر ، انا امي ايام الشباب كانت دوم تسويه لمدة عشر سنين بيرم ما شاء الله كان مره حلو ، هادا الكلام زمان ، ما عدم شعرها بس اعرف وحده عدم لها شعرها ، فايش رايكم اجازف و اسويه ، ابيه يترتب ايش الحل ؟؟؟؟