شعري ماتمسك فيه الصبغه/// قديم

السلام عليكم

مرحبا يابنات

انا شريت صبغه كلستون 4 حبات الي بعلبه وحده جوتها انبوب كريم الصبغه مع الاكسجين حقها الي في علبه الصبغه نفسها الي هيا اعتقد يسموها صبغه الشامبو اعصر الكريم جوا علبه الاكسجين الي شبه سائل واخضو واوزع على شعري المهم انا شريت 4 علب صبغه كلستون 2 اشقر فاتح جداً و2 اشقر بندقي وجربت في 3 خصل في شعري وماطلع ولا لون تخيلو مع العلم ان شعري مصبوغ من تحت بلون افتح من شعري الطبيعي لأنو شعري الطبيعي بني غامق ولون الصبغه الي من اول افتح تقريباً بدرجتين او ثلاث رايح على بني وسط مائل لغامق اكثر من انو وسط يعني في الشمس يبان بني وسط غامق تقريباً المهم ان انا سويت تجارب في 3 خصل من شعري
اول خصله حطيت فيها اشقر بندقي بس
ثاني خصله حطيت فيها اشقر فاتح جداً بس
ثالث خصله خلطت اشقر فاتح جداً + اشقر بندقي
ولا خصله طلع فيها اللون مع العلم اني خليت الصبغه في كل خصله 40 دقيقه وزودت كم دقيقه من عندي تقريباً 5 دقايق زودتها من عندي
الحين اش اسوي يابنات انا اكتشفت ان شعري الضاهر من الصعب ان يمسك فيه لون مع العلم انه خفيف والشعره نفسها خفيفه وماقد صبغتو اسود ولا حطيت فيلو حنه ولا استخدم خلطات طبيعيه او زيوت تاركتو زي ماهوا وانا ابغى اصبغ في البيت مو عند كوفيره
انا فكرت اخذ اكسجين زياده حق كلستون 4 علب مثلاُ 9 % او 6 % يقولي الصيدلي 9 % اقوى شي وكل ماقوي يفتح اللون المهم فكرت اخذ 4 علب اكسجين 9 % واخلطهم مع الوان صبغتي عشان يطلع لون اش رايكم والاكسجين الخارجي ينفع مع الصبغه هذي ياترى الي تجي بعلبه فيها اكسجين حقها وانبوب الكريم مع العلم ان الاكسجين نفس ماركه الصبغه كلستون
اش رايكم اش اقتراحتكم
بالنسبه للون الي انا ابغاه اي لون من درجات البني سواء ويكون وسط مايل لفاتح او مايل لغامق يهمني مايكون مرا فاتح ولا يكون مرا غامق