والله احترت بدي اشتريها تاني والمشكله انه من نفس

تبع اختي عاشقة الشهاده اللي لونها ازرق وماادري راح تفيدني

ولا لا والمشكله التانيه احس الصيدلي يغشني بقوه البنات قالوا سعرها

17 اظن وعني اشتريتها بـ 30 ريال ومالقيت غيرها في اي مكان

وينك اختي عاشقة الشهاده ومشكووره ,,,,,,,,,,,

لا مو معقولة الي اشوفه كل هالردود وهالاستفسارات .......... أنا آآآآآآآآآآآآآآآآآآآآآآآآآآآآىىسفة بشدة بشدة على هالتأخير لكن بصراحه انا دخولي للنت نادر بسبب شغل البيت وبناتي صغار
على كلن انا بجاوبكم على اسئلتكم والي اشوف الاخوات ماشاء الله ما قصروا وجاوبوا عن كل شي

الصورة هي الصورة الثانية الي علبتها صفراء


اما وصف المحل هو مثل ما ذكرته الاخت الدانة بالضبط
شارع الخزان امام العثيم

اما المكتوب على العلبة مثل ماهو موضح في الصورة
لونها بيج مرسوم عليها جينسنج
وكتابتها بالاسود
وصناعتها صينية
ومكتوب عليها genseng

والي سألت هل يطيح الشعر اذا تركتها اقول عن تجربتي ان شعري ما تضرر منها ابدا بالعكس

اكرر اكرر أسفي برد ثاني لأني توني أقرأ ردود البنات بعد كتابتي للرد الاخير ... سامحوني على التأخير .. وابشركم شغالتي جاية بإذن الله بعد بكرة وبعدها بسنتر على النت .. :)

وبالنسبة لمن سألت على متى تبان النتيجة ... انا عن تجربتي رأيت النتيجة بعد الانتهاء من كرتونتين كاملة .. وطريقتي ان احطها بعد كل ترويش .. وانا طبيعتي اتروش في الاسبوع ثلاث مرات الى اربع .. يعني الكرتونة الوحده فيهى 12 حبة تخلص في ظرف اسبوعين ونص الى ثلاثة اسابيع

الى يومكم هذا وانا متفشلة من المنابت واقفة وتباااااااااان بقوة بعد ما استشور شعري
اشوف شعري كله اعمده

س.وهل نغسل شعرنا بعد ما نحطها بفترة
لا لا تغسلينه الى موعد الترويشة الثانية .. ريحته حلوة ولا يزيت الشعر وبعد ما ينشف ولا كأنك حاطه شي فليش تغسلينه ..

(( شكر لأختي الدانة على التوضيح والإفادة .. ما قصرتي ويعطيك العافية ))
(( شكر لاختي ايزيس على الظن الحسن فيني وتصبير الاخوات .. بيض الله وجهك ))
(( شكر لاختي فريز على وضع الصور .. فكيتي ازمة على الجميع .. كثر الله خيرك ))

(حشى موصووووووووووووووووره كل هالوقت الله يهديك ماتاخذ منك الا 5د)
(ايش هذا الثقل علينا ياعاشقه الشهادة..... طولتي علينا ....... البنات متشحتفين على الصورة وانا اولهم)
سامحوني والله ما قصدت اتأخر عليكم لكن ظروفي

@ (بنات مستحيل يكون سعرها 35 لاني اعرف انها غالية وفي المشاغل يبيعونها وشريتها وجربتها لكن ما واظبت عليها وهي لونها ذهبيي لكن حسيت بجفاف في شعري مدري منها او من الصبغة لاني استخدمتها بعد الصبغة.)
لا مو مستحيل لاني كنت اشتريها من وحدة ب 60 ريال وبعدها بالصدفة رحت مطرة ندى وسألتهم عنها فقالوا لي ب 35 ريال فتحسفت على المبلغ الاول

(( شكر لاختي عطر الليل على وصف تجربتها لانها فعلا النتيجة الي وصلت لها انا ايضا.. ولكل من يريد قراءة تجربتها في الصفحة رقم 10))

س. ( طيب يالغاليه انتي قلتي اشترو 3 كراتين ليش انتي متى بانت معك من الانبوله الثالثه ولا بعد كذا كرتونه منها وجزاك الله الف الف خير)
انا بانت معي بعد الانتهاء من كرتونتين كامله بكل انبولاتها .. واياك

س-هل تتركينها على شعرك طول الوقت ام مدة معينة ثم تغسليه؟
ما اغلسلها إلا في الترويشة الي بعدها .. يعني احطها في شعري وانسى سالفتها الى موعد الترويشة القادمة
س- هل استخدمت معها شيء آخر - حبوب أوشامبوا أوغيرها ؟
ابداااااااااا .. قمة الاهمال لان ماعندي شغالة وبناتي حايسيني .. وانا بطبيعتي اكره شغل البيت فاسويه وانا كارهه يعني المزاج مضروووب فما اسوي لشعري المسكين يعني انبولات وكثر الله خيري .. بالرغم من اني صاحبة اهتمام بالامور الداخلية للجسم والخارجية لكن الفترة هذي انعدم الاهتمام فبحثت عن اسهل الامور فوجدت الامبولات وجابت نتيجة رائعة وباستمر عليها لاني ماشفت نتيجة مثل نتيجتها في انبات الشعر بهذي الطريقة وبهذي الكثرة.. واعتبره اكتشاف خطير ..

((الله يجزاك الجنه
الله يحرم وجه والديك من النار
الله يسهل لك دروبك ويفتح لك ابواب الرزق بوجهك وين ماتروحين
الله يسخر لك زوجك وعيالك ..
أختي والله مادري وش اقول أكثر من اللي دعيته مادري وش اقول بس قولي امين الله يشرح لك صدرك وينور لك قلبك
لاني تعبت من مشكلة شعري خفيف جدا ومع ذلك يتساقط واخاف اقرع وحالتي النفسيه مدموره مادري من ايش التساقط مع العلم اني لسى عمري 25 سنه مامداني اكبر واقرع ومتزوجه وماعندي اطفال يعني بعضهم يقولون من الحمل والولاده يطيح شعرك او من الصبغات وانا ماستخدم صبغات ولا شيء
اللي عندها حل لمشكلتي ومشكلة مثيلاتي لا يبخلون علينا ويبشرون بدعوه صادقه من القلب مثل ما نصحتنا اختي بالامبولات
يآآآآآآآآآآآآآآآآآآارب توفقها وين ماتروح وربي ببكي اذا فعلا بلقى حل لمشكلتي مادري كيف بجازيك اختي بس روحي الله يسعدك))

ولك بالمثل .. اثرت فيني دعواتك .. الله يعطيك مثل ما قلتي وزيادة .. ويارب تكون حل لمشكلتك
واذا ما نفعت معك لا قدر الله .. بلغيني وبقول لك على حل آخر اخبرتيني هو بالامس وحده مغربية وهو عبارة عن ( زيت زيتون وحرمل )

(( زوجي سال عنها في النهدي قاله هذي من فتره طويله اختفت وماراح تحصلها في صيدليات النهدي والسديس ))
روحي شارع الخزان وشوفي كثرتها هناك

((على فكره سعرها تقريبا 10 ريال او 15 وجوزيتى خيرااا))
وين لقيتيها بهذا السعر المغري ؟؟ قوليلنا

@ وهذه اخت ثانية تؤكد فعالية الانبولات وهي الاخت ستايلوك وهذا ردها (صاااااااااااااادقة انا مجربة ياقلبي والنتايج خياااااال )

(معليش خيتو الامبولات اللي هيا الكبسولات والا شي ثاني<<اعذريني عالسؤال لاكن ماعرف وش معناها)
لا.. الامبولات عبوة قزاز فيها سائل مثل الماء يوضع على الفروة مباشرة
الكبسولات تؤخذ عن طريق الفم
وانا اقصد امبولات

(جزاك الله خير يالغاليه
بس ينفع استشور عادي؟؟؟)
ايوة عادي .. انا اسوي استشوار لكن لا تكثرين.. واياك

(بنات وين اختنا صاحبه الموضوع

ترد على الاستفساراات)
هذا انا جيت يا سنا الفضة .. اكرر أسفي

( سعرهاا 35 ؟؟
غريبه اشتريها بـ 180 .. فرق شاسع .. مومعقول !! )
اي والله قهر الفرق

(الله يعطيك العافيه ممكن استفسار:
ارجو الاجابه عليه:
طيب لو بعد فتره من الاستعمال تركت الامبولات او انقطعت من السوق او الصيدليات
اخاف ينعدم الشعر او يتساقط لانه اتعود عليها يرجع اسوى من اول
ممكن استشارت الطبيب قبل الاستعمال
جزاك الله خير)
انا استمريت عليه فترة وتركته فترة طويلة .. ولا سوى لشعري اي ضرر بتاتا ..لكن تلك الفترة وقف تساقط شعري بدون تنبيت لان طريقة استخدامي له كانت غير منظمة
ولمن رجعت لها هذي الفترة اعطاني نتيجة احلى لاني واظبت بعد كل ترويشة
واستشيري طبيب

(( شكر خاااااااااااااص لكل من شارك ورد على موضوعي وجزى الجميع كل الخير ..
وصدقوني انا ما يهمني الردود ولا يهمني نقل الموضوع حتى لو لم تذكروا اسمي ,, انا يهمني شي واحد انكم تستفيدوا ,, وأرد جمايل منتدى حواء علي ,, ويكفي ان هالمنتدى كان السبب في انجابي بنتين بعد معاناة 7 سنين بدون حمل ))

jazaki alh kole kher ya eokhty

جزاك الله خير ياعسل لأن أنا شعر طاح مثلك من كثر الصبغ