شعري يطيح وااايد لأني مرضع

دايما اسمع الحريم الي يرضعون يشتكون000

وعلى ما اعتقد انه شي طبيعي :27:

بس انتي روحي لدكتوره ان شاء الله ينفع الدوا معك :24:

واذا ما تقدرين0000 انا شفت وحده من البنات تقول زيت انوب يخفف التساقط مرررره

اختى انا بعد لما ارضع شعري يطيح
وسمعت مرة يقولون ان شعر الحامل يكون حلو وما يطيح
وبعد الولادة يطيح

وشفت في منتجات الهملايا على ما اعتقد زيت يمنع تساقط الشعر بس ما جربيته

اصبري 6شهور او اكثر شوي ويرجع مثل اول وحده من صديقاتي نزل نزول شديد لمدة 6شهور والحين خف تساقطه وترى النفسيه تاثر بعد اهم شيء انك تكثرين من الخضار الورقيه والعسل وسبع حبات من حبة البركه يوميا وكلي كبده مع عصير برتقال واشربي عصير الزبيب كل هذه الاشياء غنيه بالحديد وراح تساعد شعرك على النمو ان شاءالله وزي ماقلت لك ارتحي نفسيا ولا تطالعين للشعر النازل.يعني اللي صاير لك طبيعي جدا فلما القلق.

صانعة الأبطال
جزاك الله خير على الرد ويجعلك صانعة حقيقية للأبطال قولي آآآمين
صدقج اللي ترضع شعرها يطيح بس يوم تشوفينه يطيح بهالطريقة ودج دوم تبكين عليه وعن زيت أنوب أنا مشترتنه من أسبوعين واستعمله يومياَ على شعري بس للحين ما عطاني نتيجة وان شاء الله أحصل نتيجة قريباَ.

A7laa 3yoon
بخبرج عن نفسي يوم كنت حامل كنت أدلع بشعري واااايد ما كان حلو وبس روووعه غليظ ولونه كستنائي وفي حفلة كنت فاتحتنة ومستشورتنة وكان في قمة الروعه بس شوفي الدلع وين وداني وجزاك الله خير على الرد ويجعل عيونج أحلى عيون في الكون.

موضة
شو موضة السنة من الألوان؟؟
أمزح معاج على قولتج بصبر عليه 6 شهور وباستعمل كل اللي قلتي عليه من خضروات وعصير برتقال وغيره وان شاء الله أحصل على نتيجة مرضيه والله المستعان.:26:

هلا اختي اشحالج..
الله ايخليليج ولدج والا بنتج..
المهم انا وحده ارضع حالتي مثل حالتج..والله انه شعري في كل مكان
وايد ايطيح...وانا ولدي عمره سنه ولين الحين ايطيح شعري..
ما ادري شو اسوي وداخله ادور حل..............
الله ايكون في عونا انشاء الله